اسپیشل پارچہ کباب بنانے کی آسان ترکیب ملاحظہ کیجئے۔

درکار اجزاء: پارچہ (پسندے) ایک کلو، نمک حسب ذائقہ، ادرک لہسن کا پیسٹ ۲؍ بڑے چمچے، لال مرچ پاؤڈر ۲؍ بڑے چمچے، گرم مسالہ پاؤڈر ایک چھوٹا چمچہ، سویا سوس اور کچا پپیتا (پسا ہوا) دو، دو بڑے چمچے۔
فلنگ کیلئے: انڈے دو عدد (سخت ابلے ہوئے باریک ٹکڑے کرلیں)، ہری مرچ ۶؍ عدد (باریک کاٹ لیں)، میکرونی (ابلی ہوئی) آدھی پیالی، کالی مرچ پاؤڈر، نمک حسب ذائقہ، دھاگہ حسب ضرورت۔
بنانے کا طریقہ: سب سے پہلے نمک، ادرک لہسن کا پیسٹ، لال مرچ پاؤڈر ،گرم مسالہ پاؤڈر، سویا سوس اور کچاپپیتا پارچہ میں لگا کر دو گھنٹے تک یک جان ہونے دیں۔ پسندوں کے درمیان میں فلنگ کے اجزاء رکھ کر احتیاط کے ساتھ ان کو لپیٹ دیں اور اوپر دھاگہ لپیٹ دیں۔ خیال رہے کہ احتیاط سے ایسے لپیٹیں کہ فلنگ کی اشیاء باہر نہ نکلیں۔ اب ایک فرائنگ پین میں ان تمام پارچوں کو شیلو فرائی کر لیں۔ اس کے بعد اس کو ہرے مسالے کی چٹنی نان اور سلاد کے ساتھ نوش فرمائیں۔