آج افطار میں بنایئے خاص پکوان ’’رائس فلیکس کٹلیٹ‘‘ اس کی آسان ترکیب ملاحظہ کیجئے۔

درکار اجزاء: رائس فلیکس (پوہا) ۲؍ کپ، اُبلے ہوئے آلو ۲؍ عدد (درمیانے)، کٹی ہوئی ہری مرچ ایک عدد، باریک کٹا ہوا پیاز آدھا کپ، باریک کُٹا ہوا دھنیا ۲؍ بڑے چمچے، نمک حسب ِ ذائقہ، کالی مرچ پاؤڈر آدھا چمچہ، سرخ مرچ پاؤڈر آدھا چمچہ، تیل حسب ِ ضرورت۔
بنانے کا طریقہ: سب سے پہلے رائس فلیکس کو نیم گرم پانی میں ۵؍ سے ۷؍ منٹ کے لئے بھگو دیں تاکہ وہ نرم ہوجائیں۔ اب ان کا پانی نکال دیں اور ایک بڑے پیالے میں نرم رائس فلیکس، اُبلے ہوئے آلو، پیاز، ہری مرچ، دھنیا، نمک اور مرچ اچھی طرح مکس کریں۔ مکسچر کو ہاتھ سے دبا کر چھوٹے چھوٹے کٹلیٹ کی شکل دیں۔ ایک کڑاہی میں کوکنگ آئل گرم کریں اور اس میں کٹلیٹس کو گولڈن براؤن ہونے تک دونوں طرف سے فرائی کرلیں۔ لیجئے گرماگرم رائس فلیکس کٹلیٹس تیار ہیں۔ اِنہیں چٹنی یا ساس کے ساتھ افطار میں پیش کریں۔