اسپائسی چکن اسٹرپس بنانے کی آسان ترکیب ملاحظہ کیجئے۔

درکار اجزاء: چکن اسٹرپس ایک کلو، کٹی لال مرچ ۲؍ چھوٹے چمچے، نمک آدھا چھوٹا چمچہ، کٹی کالی مرچ ایک چھوٹا چمچہ، ٹومیٹو کیچپ ایک کپ، سویا سوس ۲؍ بڑے چمچے، ادرک لہسن کا پیسٹ ۲؍ چھوٹے چمچے، چائنیز سالٹ آدھا چھوٹا چمچہ، مکھن ۵۰؍ گرام، پسا گرم مسالہ آدھا چھوٹا چمچہ، براؤن شوگر ایک چھوٹا چمچہ، سرکہ ایک بڑا چمچہ، چھوٹی ہری مرچیں ۱۰؍ عدد، تیل ۲؍ بڑے چمچے۔
بنانے کا طریقہ: پہلے تیل اور مکھن کو گرم کرلیں۔ اب اس میں ادرک لہسن کا پیسٹ اور چکن اسٹرپس ڈال کر فرائی کریں۔  جب پانی خشک ہو جائے تو آدھا کپ پانی ڈال کر ڈھانک دیں۔ اب اس میں چائنیز سالٹ ، پسا گرم مسالہ ، براؤن شوگر، کٹی کالی مرچ، نمک، ٹومیٹوکیچپ، سویا ساس اور کٹی لال مرچ ڈال کر چولہا بند کردیں۔ آخر میں مرچیں سجا کر پیش کریں۔