سوجی کا حلوہ بنانے کی آسان ترکیب ملاحظہ کیجئے۔

درکار اجزاء: سوجی ایک پاؤ، گھی ایک پاؤ، پستہ ۶؍ عدد، کیوڑہ ۲؍ سے ۳؍ قطرے، چینی آدھا کلو، بادام ۱۰؍ عدد، ہری الائچی ۶؍ عدد۔
بنانے کا طریقہ: ایک کڑاہی میں گھی گرم کرکے اس میں الائچی کے دانے ڈال دیں۔ پھر اس میں سوجی ڈال کر ہلکی آنچ پر بھونیں۔ جب خوشبو آنے لگے تو کڑاہی نیچے اتار لیں۔ اب ایک برتن میں چینی اور ایک لیٹر سے کم پانی ڈال کر چولہے پر رکھ دیں۔ ہلکی آنچ پر چاشنی بنائیں اور جب وہ تیار ہو جائے تو اسے سوجی میں ڈال کر ملا لیں۔ اسے چولہے پر رکھ کر ہلکی آنچ پر پکائیں، اس دوران چمچہ برابر ہلاتے رہیں۔ جب حلوہ گاڑھا ہو جائے تو اس میں بادام اور کیوڑہ ڈال دیں۔ حلوہ گھی چھوڑ دے تو اسے چولہے سے اتار کر اس پر باریک کٹا پستہ چھڑک دیں۔