تلی ہوئی چانپ بنانے کی آسان ترکیب ملاحظہ کیجئے۔

درکار اجزاء: چانپ ایک کلو، گھی حسب ِ ضرورت، انڈے ۳؍ عدد، ہری مرچ ۱۰؍ عدد، سفید زیرہ اور خشک دھنیا ایک، ایک چھوٹا چمچہ، نمک اور لال مرچ حسب ِ ذائقہ، ہرا دھنیا اور پودینہ تھوڑا سا۔
بنانے کا طریقہ: دھنیا، پودینہ اور ہری مرچ پیس لیں، اسے نمک اور لال مرچ کیساتھ دیگچی میں ڈال دیں۔ اب اس میں چانپ شامل کر دیں اور اتنا پانی ڈالیں کہ چانپ گل جائے۔ انڈے کسی علاحدہ برتن میں پھینٹ لیں اور اس میں سفید زیرہ اور خشک دھنیا ملا لیں۔ اب چانپ کو انڈوں میں ڈبو ڈبو کر کڑاہی میں تل لیں۔ جب سرخ ہو جائیں تو نکالتے جائیں۔ سلاد کے ساتھ پیش کریں۔