موبائل ایکسسریز کی دنیا میں آئے دن نت نئے ڈیزائن آتے رہتے ہیں لیکن ٹرانسپیرینٹ فون کور کا جنون کبھی کم نہیں ہوتا۔ اس کی مقبولیت کی سب سے اہم وجہ یہ ہے کہ یہ آپ کے فون کا اصلی رنگ اور شکل پوری طرح دکھاتا ہے۔

 موبائل ایکسسریز میں ٹرانسپیرینٹ کور کا جنون ہمیشہ رہتا ہے کیونکہ یہ فون کی اصلی شکل اور رنگ کو ظاہر کرتا ہے۔ ہزاروں روپے خرچ کر کے خریدے گئے اسمارٹ فون کی خوبصورتی کو چھپانا کون پسند کرتا ہے؟ لیکن ان کورس کا سب سے بڑا مسئلہ یہ ہے کہ یہ جلد پیلے یا گندے ہو جاتے ہیں جنہیں بار بار تبدیل کرنا مشکل اور مہنگا ہوتا ہے۔
موبائل ایکسسریز کی دنیا میں آئے دن نت نئے ڈیزائن آتے رہتے ہیں لیکن ٹرانسپیرینٹ فون کور کا جنون کبھی کم نہیں ہوتا۔ اس کی مقبولیت کی سب سے اہم وجہ یہ ہے کہ یہ آپ کے فون کا اصلی رنگ اور شکل پوری طرح دکھاتا ہے۔ جب کوئی شخص ہزاروں روپے خرچ کر کے اسمارٹ فون خریدتا ہے تو اس کا اصلی روپ اور ڈیزائن سب کو دکھانا بھی اتنا ہی ضروری ہوجاتا ہے۔ یہی وجہ ہے کہ لوگ اکثر ڈیزائنر کور کے بجائے ٹرانسپیرینٹ کور استعمال کرنے کو ترجیح دیتے ہیں۔ تاہم اس کور کے ساتھ ایک بڑا مسئلہ بھی ہے، یہ کچھ ہی وقت میں پیلا یا گندا نظر آنے لگتا ہے۔
اس سے کوئی فرق نہیں پڑتا ہے کہ آپ کتنا ہی مہنگا کور خریدتے ہیں، وقت کے ساتھ اس کی شفافیت کم ہوتی جاتی ہے۔ اسے بار بار تبدیل کرنا نہ تو آسان ہے۔ ایسے میں ایسے آسان طریقوں کی ضرورت ہے، جو آپ کے ٹرانسپیرینٹ کور کو منٹوں میں صاف اور چمکدار بناسکیں۔
گندا ہونا اور جلد پیلا ہونا
ٹرانسپیرینٹ کور کی ایک بڑی خرابی یہ ہے کہ وہ کچھ ہی وقت میں گندے یا پیلے ہو جاتے ہیں، چاہے آپ کتنا ہی مہنگا کور کیوں نہ خریدیں۔ انہیں بار بار تبدیل کرنا بھی آسان نہیں ہے۔ اگر آپ بھی اس پریشانی سے پریشان ہیں تو اب پریشان ہونا چھوڑ دیں۔
ٹوتھ پیسٹ اور نمک سے پیلا پن دور ہو جائے گا 
ٹوتھ پیسٹ فون کے بیک کور کو چمکدار بنانے میں بہت مؤثر ہے۔ صرف کور پر ٹوتھ پیسٹ لگائیں، اسے پانی سے ہلکا گیلا کریں اور رگڑیں۔ اس کے بعد ایک یا دو چٹکی نمک ڈال کر دوبارہ رگڑیں۔ آپ کا کور منٹوں میں نئے کی طرح چمکے گا۔
سرکہ اور بیکنگ سوڈا
پیلے رنگ کے کور کے لیے سرکہ بہترین علاج ہے۔ ڈھکن کو ایک پیالے میں رکھیں، اس پر۲؍ چائے کے چمچ بیکنگ سوڈا ڈالیں۔ اب ایک کپ پانی میں ۲۔۳؍چائے کے چمچ سرکہ ملا کر پیالے میں ڈال دیں۔ تقریباً ایک گھنٹے کے بعد ٹوتھ برش سے کور کو رگڑ کر صاف کریں۔
صرف بیکنگ سوڈا
گیلے تولیے سے کور صاف کرنے کے بعد اس پر بیکنگ سوڈا چھڑکیں اور گیلے ٹوتھ برش سے سرکلر موشن میں رگڑیں۔ جہاں بھی پیلا پن زیادہ نظر آئے، برش کو تھوڑی دیر کے لیے گھمائیں۔ اس سے کور کی چمک واپس آجائے گی۔
ڈش صابن بھی بہترین نتائج دے گا
ایک کپ نیم گرم پانی میں ایک چائے کا چمچ ڈش صابن ملائیں۔ ٹوتھ برش کی مدد سے کور کو اندر اور باہر اچھی طرح رگڑیں۔ پھر اسے پانی سے دھو کر صاف کپڑے سے پونچھ لیں۔ کور بالکل نیا نظر آئے گا۔