بی ایم سی کے ذریعہ ہاکرس کو دادر اور ماہم کے رہائشی علاقوں میں ٹھیلا لگانے کی اجازت دینے کی پالیسی منظور کرنے کے خلاف مقامی مکینوں کے ساتھ مہاراشٹر نونرمان سینا (ایم این ایس ) نے مورچہ نکالا اوراس پالیسی کو رد کرنے کا مطالبہ کیا ہے ۔

ممبئی : بی ایم سی کے ذریعہ ہاکرس کو دادر اور ماہم کے رہائشی علاقوں میں ٹھیلا لگانے کی اجازت دینے کی پالیسی منظور کرنے کے خلاف مقامی مکینوں کے ساتھ مہاراشٹر نونرمان سینا (ایم این ایس )نے مورچہ نکالا اوراس پالیسی کو رد کرنے کا مطالبہ کیا ہے ۔ واضح رہے کہ بی ایم سی کی نئی پالیسی کے تحت  رہائشی علاقوں میں ہاکرس کو ٹھیلا لگانے کی اجازت دی گئی ہے ۔ 
 ایم این ایس کے دادر جی نارتھ کے لیڈر یشونت کلے دار اورپارٹی کے سابق ایم ایل اے نتین سردیسائی نے بی ایم سی کی رہائشی علاقوں میں ٹھیلا لگانے کی نئی پالیسی کے خلاف دادر میں ایم این ایس کے ہیڈ کوارٹرز سے ریلی نکالی جس میں بڑی تعداد میں مکینوں نے حصہ لیا تھا۔ احتجاج میں شامل لوگوں نے اس پالیسی کے خلاف نعرہ لگاتے ہوئے اسے رد کرنے کامطالبہ کیا ہے ۔ مظاہرین نے دادر سے ماہم جی نارتھ میں واقع بی ایم سی وارڈ آفس تک  ریلی نکالی اور اسسٹنٹ میونسپل کمشنر کو میمورنڈ م دے کر دادر کے رہائشی علاقوں میں ہاکرس کی نئی پالیسی کو منسوخ کرنے کی اپیل کی ۔