مشہور ڈجیٹل پیمنٹ کمپنی فون پے نے حال ہی میں جدت اور اعتماد کی ایک قابل ذکر دہائی مکمل کی۔ ہندوستان کے فن ٹیک ماحولیاتی نظام میں فون پے کا  یہ۱۰؍ سالہ سفر صرف ایک سنگ میل نہیں ہے، بلکہ لاکھوں ہندوستانی شہریوں کو مالی طور پر بااختیار بنانے کا جشن ہے۔ اس دہائی کے دوران فون پے نے نہ صرف مالیاتی رسائی کو بڑھایا ہے بلکہ ہندوستان میں لین دین اور رقم کے انتظام کے طریقے کو انقلابی طور پر بدل دیا ہے۔۲۰۲۵ءمیں، فون پے  نے۶۰۰؍ ملین رجسٹرڈ صارفین کو عبور کرتے ہوئے ایک اہم سنگ میل حاصل کیا  اور ہندوستان کی ڈجیٹل معیشت کے ایک ستون کے طور پر اپنے کردار کو مزید مستحکم کیا۔

اس بارے میں فون پے انتظامیہ کا کہنا ہے کہ اس سال ہماری توجہ صارفین کے اعتماد کو مضبوط بنانے اور اپنی خدمات کو ہر کسی کے  لئے قابل رسائی بنانے پر مرکوز تھی۔ اس وژن کے مطابق ہم نے یو پی آئی  سرکل کا آغاز کیا، جو قابل اعتماد رابطوں کو ادائیگیوں کے حوالے سے اجازت دیتا ہے۔ ہم نے اپنے لاکھوں صارفین کو فریب دہی سے بچانے کیلئےفون پے پروٹیکٹ  کے نام سے ایک مضبوط سیکوریٹی شیلڈ تیار کی ہے۔

اس سفر کی عکاسی کرتے ہوئے، فون پے  کے بانی اور سی ای او  سمیر نگم نے کہاکہ ’’ہمارے دس سالہ سفر کا سب سے دلچسپ حصہ یہ ہے کہ، چاہے ہم کتنی ہی دور پہنچ گئے ہوں، چوٹی ابھی تک نظر نہیں آتی۔ ہم نہیں جانتے کہ یہ عروج پر پہنچنا کیسے رہے گا لیکن یہی بات ہمیں پرجوش بناتی ہے۔ ہزاروں پرجوش، محنتی لوگ اس سفر میں سب سے لطف لے رہے ہیں  اور ہمیں نئی اونچائیوں کو چھونے کا حوصلہ دے رہے ہیں۔