اے ایف پی کی ایک رپورٹ کے مطابق، جاپان میں ہندوستانی سفارت خانے نے ان دونوں علاقوں میں مقیم تقریباً ۲۰۰۰ ہندوستانی شہریوں سے رابطہ کیا ہے، جن میں سے بعض اپنے گھروں کے دروازے کھولنے پر آمادہ ہیں۔ ہندوستان کے شیف ڈی مشن اور آئی او اے کے خزانچی سہدیو یادو نے اے ایف پی کو بتایا کہ ”ہم نے یہاں اپنے ایتھلیٹس کیلئے ہوٹل بک کر لئے ہیں۔ لیکن اگر ہوٹل کے کمرے کم پڑ جاتے ہیں، تو ہمارے ایتھلیٹس کو اپنے پاس ٹھہرانے کیلئے یہاں کے ہندوستانی گھرانے مکمل طور پر تیار ہیں۔“

جاپان میں مقیم ہندوستانی خاندانوں نے ناگویا اور ایچی پریفیکچر میں رہائش کی کمی کی صورت میں ایشین گیمز کیلئے جاپان آنے والے ایتھلیٹس کو اپنے ہاں ٹھہرانے کی پیشکش کی ہے۔ ۲۰۲۶ء کے ایشین گیمز کا آغاز پہلے ہی ہو چکا ہے، لیکن اس کے انتظامات رہائش کے مسائل کی زد میں رہے ہیں۔ رقم بچانے کی خاطر، جاپان نے ایتھلیٹس ولیج، جو ایسے بڑے مقابلوں میں ایتھلیٹس اور ان کے وفود کیلئے مختص رہائش گاہ ہوتی ہے، نہ بنانے کا فیصلہ کیا۔ اس کے بجائے منتظمین نے ہوٹل کے کمروں، لکڑی کے عارضی کنٹینر نما ہٹس اور ایک کروز بحری جہاز کے ملا جلا انتظام کا انتخاب کیا۔

یہ بھی پڑھئے: این ایف ایل: ہند رجب کا اسٹیکر لگانے پر ۱۱۹۴۱ ڈالر کا جرمانہ، کائری ارونگ جرمانہ ادا کرنے کیلئے تیار

کھیلوں میں شرکت کیلئے پہنچنے والے ۱۷ ہزار ایتھلیٹس اور حکام میں سے بہت سے لوگوں نے عارضی رہائش پر تحفظات کا اظہار کیا ہے۔ ان ایتھلیٹس نے بتایا کہ کمرے اتنے تنگ ہیں کہ ان میں اپنا سامان رکھنا مشکل ہے، یہاں تک کہ سونے کیلئے دیئے گئے بستر بھی بہت چھوٹے ہیں۔

Indian athletes arrived in Japan for the Asian Games. They waited 14 hrs for an accommodation. If this were India, people would have opened their homes, 5 star hotels would have been booked. Still we would have been hauled over coals. Very few cultures respect guests more than ours. https://t.co/Cq17pdACQT

— Gabbar (@GabbbarSingh) September 17, 2026

تقریباً ۵۰۰ ہندوستانی کھلاڑیوں کی شرکت کے پیشِ نظر، انڈین اولمپک ایسوسی ایشن (آئی او اے) نے متعدد کھلاڑیوں کو ہٹس سے نکال کر ہوٹلوں میں منتقل کر دیا ہے اور کمروں کی قلت مزید سنگین ہونے کے خدشے کے تحت ہنگامی منصوبے تیار رکھے ہیں، کیونکہ آنے والے دنوں میں مزید کھلاڑیوں اور معاون عملے کی آمد متوقع ہے۔

یہ بھی پڑھئے: ایشین گیمز میں تمغہ جیتنے والے باکسرز لاس اینجلس اولمپکس کیلئے راست کوالیفائی کرسکیں گے

ہندوستان کے شیف ڈی مشن اور آئی او اے کے خزانچی سہدیو یادو نے اے ایف پی کو بتایا، ”ہم نے یہاں اپنے ایتھلیٹس کیلئے ہوٹل بک کر لئے ہیں۔ لیکن اگر ہوٹل کے کمرے کم پڑ جاتے ہیں، تو ہمارے ایتھلیٹس کو اپنے پاس ٹھہرانے کیلئے یہاں کے ہندوستانی گھرانے مکمل طور پر تیار ہیں۔ وہ سب اپنے گھروں میں ان اسٹارز کا استقبال کرنے پر بے حد خوش ہیں۔“

اے ایف پی کی ایک رپورٹ کے مطابق، جاپان میں ہندوستانی سفارت خانے نے ان دونوں علاقوں میں مقیم تقریباً ۲۰۰۰ ہندوستانی شہریوں سے رابطہ کیا ہے، جن میں سے بعض اپنے گھروں کے دروازے کھولنے پر آمادہ ہیں۔ دوسری جانب منتظمین کا مؤقف ہے کہ یہ رہائش محفوظ، کم خرچ اور آرام دہ ہے۔ ان کا کہنا ہے کہ کچھ مختلف آزمانے پر جاپان کی تعریف کی جانی چاہئے۔

یہ بھی پڑھئے: ڈیوس کپ: جنوبی کوریا نے دونوں سنگلز جیت لئے، ہندوستان کو مشکلات کا سامنا

دوسری طرف، ہندوستانی خواتین کی کرکٹ ٹیم کوارٹر فائنل میں میزبان جاپان کو آٹھ وکٹوں سے شکست دینے کے بعد، ناک آؤٹ مرحلے کیلئے جاپان پہنچ چکی ہے۔ ہرمن پریت کور کی زیرِ قیادت ٹیم اتوار، ۲۰ ستمبر کو دوسرے سیمی فائنل میں بنگلہ دیش کا سامنا کرے گی، جبکہ پاکستان اور سری لنکا پہلے سیمی فائنل میں آمنے سامنے ہوں گے۔ ہندوستانی مینز ٹیم اپنی مہم کا آغاز ۲۸ ستمبر کو کرے گی۔ دونوں ٹیموں سے اپنے اپنے شعبوں میں گولڈ میڈل جیتنے کی امید کی جا رہی ہے۔