ویب سیریز ’’دی فیملی مین‘‘ سے شہرت حاصل کرنے والے اداکار شارب ہاشمی نے اپنے طویل اور مشکل جدوجہد کے دنوں کو یاد کرتے ہوئے انکشاف کیا ہے کہ انہوں نے کامیابی حاصل کرنے سے پہلے تقریباً ۷۰۰؍ آڈیشنز دیے، شدید مالی مشکلات کا سامنا کیا، لیکن ان کی اہلیہ نے ہر مشکل وقت میں ان کا ساتھ دیا۔

 ویب سیریز ’’دی فیملی مین‘‘ سے شہرت حاصل کرنے والے اداکار شارب ہاشمی  نے اپنے طویل اور مشکل جدوجہد کے دنوں کو یاد کرتے ہوئے انکشاف کیا ہے کہ انہوں نے کامیابی حاصل کرنے سے پہلے تقریباً  ۷۰۰؍ آڈیشنز  دیے، شدید مالی مشکلات کا سامنا کیا، لیکن ان کی اہلیہ نے ہر مشکل وقت میں ان کا ساتھ دیا اور اداکار بننے کا خواب زندہ رکھا۔ایک حالیہ انٹرویو میں شارب ہاشمی نے بتایا کہ فلم انڈسٹری میں جگہ بنانا ان کے لیے انتہائی مشکل تھا اور انہیں برسوں تک مسلسل مسترد کیا جاتا رہا۔انہوں نے کہا کہ وہ روزانہ آڈیشن دیتے، مگر بار بار ناکامی کا سامنا کرنا پڑتا۔ وقت کے ساتھ مالی حالات اس قدر خراب ہو گئے کہ قرض بڑھنے لگا، لیکن ان کی اہلیہ نے کبھی انہیں ہمت ہارنے نہیں دی۔ 

یہ بھی پڑھئے:پہلی ہی فلم پر تین قومی فلم ایوارڈز جیتنا ہمارے لیے باعثِ فخر ہے: لوکیش دھر

شارب ہاشمی نے بتایا کہ ان کی زندگی میں ایک وقت ایسا بھی آیا جب گھر کے اخراجات پورے کرنا مشکل ہو گیا تھا۔ اس دوران ان کی اہلیہ نے نہ صرف ان کا حوصلہ بڑھایا بلکہ ہر قدم پر ان کا ساتھ دیا، جس کی بدولت وہ اپنے خواب کو ترک کرنے کے بجائے مسلسل محنت کرتے رہے۔  اداکار نے کہا کہ وہ آج جو کچھ بھی ہیں، اس میں ان کی اہلیہ کا سب سے بڑا کردار ہے۔ ان کے مطابق اگر اس مشکل دور میں اہلیہ کا تعاون نہ ہوتا تو شاید وہ اداکاری کا سفر جاری نہ رکھ پاتے۔ 

یہ بھی پڑھئے:اجنکیا رہانے نے بین الاقوامی کرکٹ سے ریٹائرمنٹ کا اعلان کر دیا

شارب ہاشمی نے یہ بھی بتایا کہ مسلسل جدوجہد کے بعد انہیں آہستہ آہستہ فلموں اور ویب سیریز میں مواقع ملنے لگے، تاہم  ’’دی فیملی مین‘‘ میں  جے کے تلپڑے (JK Talpade)  کے کردار نے انہیں گھر گھر پہچان دلائی۔ اس کے بعد ’’اسُر‘‘   سمیت کئی پروجیکٹس میں ان کی اداکاری کو بھی خوب سراہا گیا۔  حال ہی میں شارب ہاشمی مختصر فلم ’’اِٹس اونلی ۴۷؍ڈگری‘‘  میں نظر آئے، جو موسمیاتی تبدیلی جیسے اہم موضوع پر مبنی ہے۔