پاکستان میں گوجرانوالا کی عدالت نے پی ٹی آئی کے ۵۱؍ حامیوں کو ۹؍ مئی تشدد کے معاملے میں ۵؍ سال جیل کی سزا سنائی ہے اور ان پر ۱۰؍ ہزار روپے جرمانہ عائد کیا ہے۔ خیال رہے کہ ۹؍ مئی کو پاکستان کےگوجرانوالا میں تشدد پھوٹ پڑا تھا جس کے نتیجے میں پی ٹی آئی کا ایک کارکن ہلاک جبکہ متعدد کارکن اورپولیس اہلکار زخمی ہوئے تھے۔

پاکستانی عدالت نے عمران خان کے ۵۱؍ حامیوں کو گزشتہ سال فوجی تصنیابات پر حملہ کے معاملے میں ملوث ہونے کیلئے مجرم قرار دیتے ہوئے ۵؍ سال قید کی سزا سنائی ہے۔گزشتہ سال مئی میں پاکستانی تحریک انصاف (پی ٹی آئی) کےحامیوں نے اپنے بانی کے بدعنوانی کے معاملے میں حراست کے بعد نے مبینہ طور پر متعدد فوجی تنصیبات پر حملہ کیا تھا جن میں راولپنڈی میں فوجی ہیڈ کوارٹرس اور فیصل آباد میں آئی ایس آئی کی عمارت شامل ہے۔ یہ پی ٹی آئی کے لیڈران، کارکنان اور حامیوں کے خلاف ۹؍ مئی کو ملک میں، خاص طورپر پنجاب اور خیبر پختواہ میں ہونے والے فسادات کے معاملے میں پہلی حراست ہے۔ مجرمین میں پی ٹی آئی کے قانون ساز کلیم اللہ خان بھی شامل ہیں۔ دہشت گردانہ مخالفت عدالت(اے ٹی سی)، گوجرانوالا نے پی ٹی آئی کے ۵۱؍ کارکنان کو گجران والا چھاؤنی، قانون نافذ کرنے والی ایجنسیوں کے حکام اور پولیس کی گاڑیوں کو نذر آتش کرنے کے جرم میں قید کی سزا سنائی ہے۔ عدالتی حکام کے مطابق عدالتنے ہر کارکن پر ۱۰؍ ہزار پاکستانی روپے کا جرمانہ بھی عائد کیا ہے۔

These suspects, allegedly affiliated with the PTI, were convicted of vandalism outside the Gurdwara. This verdict sends a strong message that such actions will not be tolerated.#نومئی_والوں_تیاری_پکڑو pic.twitter.com/dUJ2H8SWvu

— Iftikhar Ahmed (@iftikharahmad_3) March 30, 2024

اے ٹی سی کی جج نتاشہ نسیم نے مرکزی جیل میں سخت سیکوریٹی کے درمیان سماعت کے دوران یہ فیصلہ سنایا اور اس سماعت کو کیمرے میں ریکارڈ بھی کیا گیا ہے۔ خیال رہے کہ ۹؍ مئی کو گوجرانوالا میں تشدد پھوٹ پڑا تھا جس میں ایک پی ٹی آئی کا کارکن ہلاک ہوا تھا جبکہ متعدد کارکنان اور پولیس اہلکار زخمی ہوئے تھے۔ خیال رہے کہ پی ٹی آئی کے بانی اور پاکستان کے سابق وزیر اعظم عمران خان گزشتہ سال اگست سے جیل میں ہیں۔ تاہم، انہیں تین مختلف معاملات میں ۳۱؍ سال جیل کی سزا سنائی گئی ہے اور ان کے خلاف ۲۰۰؍ معاملات درج ہیں۔