رمضان المبارک کی آمد کے موقع پر شیخ عبدالرحمٰن السدیس نے زائرین کے نام پیغام میں کہا ہے کہ وہ زیادہ سے زیادہ وقت عبادت میں گزاریں۔
EPAPER
Updated: March 12, 2024, 10:30 AM IST | Agency | Riyadh
رمضان المبارک کی آمد کے موقع پر شیخ عبدالرحمٰن السدیس نے زائرین کے نام پیغام میں کہا ہے کہ وہ زیادہ سے زیادہ وقت عبادت میں گزاریں۔
رمضان المبارک کی آمد کے موقع پر شیخ عبدالرحمٰن السدیس نے زائرین کے نام پیغام میں کہا ہے کہ وہ زیادہ سے زیادہ وقت عبادت میں گزاریں۔ عرب میڈیا کے مطابق حرمین شریفین اتھاریٹی میں دینی امور کے سربراہ شیخ ڈاکٹر عبدالرحمان السدیس نے شاہ سلمان بن عبدالعزیز، ولئ عہد شہزادہ محمد بن سلمان، سعودی عوام اور دنیا بھر کے تمام مسلمانوں کو رمضان کی مبارک باد دی ہے۔ انہوں نے اپنے پیغام میں کہا زائرین زیادہ سے زیادہ وقت عبادت میں گزاریں، امید ہے رمضان صحت و سلامتی کے ساتھ مسلمانوں کے لئے امن اور بہتری لائے گا، سعودی عرب کیلئے حرمین شریفین، عمرہ و حج زائرین کی خدمت انمول اعزاز ہے۔ شیخ سدیس نے کہا شاہ سلمان بن عبدالعزیز اور ولئ عہد کی قیادت میں زائرین کے لیے بہترین اقدامات کیے جاتے ہیں، زائرین کے آرام و راحت، امن و سلامتی کے لیے انتظامات میں کوئی کسر نہیں اٹھا رکھی جائے گی۔ ان کا کہنا تھا کہ۲۰۲۴ء میں گزشتہ برسوں کے مقابلے میں زیادہ تعداد میں زائرین کی آمد متوقع ہے۔