مشی گن سینیٹ کے امیدوار عبدالسید نے امریکی صدر ڈونالڈ ٹرمپ کے میٹل ڈیٹیکٹر والے تبصرے کا جواب دیتے ہوئے پیشکش کی کہ اگر صدر لائی ڈیٹیکٹر سے گزرنے کو تیار ہوں تو وہ میٹل ڈیٹیکٹر سے گزرنے کو تیار ہیں۔ ‘‘میرا پہلا سوال، ایپسٹین۔ دوسرا سوال، کیا آپ نے۲۰۲۰ءکا الیکشن جیتا تھا؟

مشی گن سینیٹ کے امیدوار عبدالسید نے ٹرمپ کے الفاظ انہیں پر لوٹا دیے ہیں، اور پیشکش کی ہے کہ اگر صدر ٹرمپ لائی ڈیٹیکٹر ٹیسٹ کے لیے بیٹھنے کو تیار ہوں تو وہ بھی میٹل ڈیٹیکٹر سے گزرنے کو تیار ہیں۔واضح رہے کہ اس سے قبل ٹرمپ نے کہا تھا کہ ،’’ اگر یہ امیدوار منتخب ہو گیا تو اسے میٹل ڈیٹیکٹر سے گزرنا ہوگا‘‘ اس تبصرے پر، السید نے کہا، ’’اگر آپ لائی ڈیٹیکٹر کے لیے بیٹھیں تو میں میٹل ڈیٹیکٹر سے گزرنے کو تیار ہوں... میرا پہلا سوال، ایپسٹین۔ دوسرا سوال، کیا آپ نے۲۰۲۰ء کا الیکشن جیتا تھا؟یہ دنداں شکن جواب ایک ایسے ہفتے کے آخر میں آیا ہے جس میں ٹرمپ نے بار بار السید پر حملے کیے ہیں، جو ڈیموکریٹ ہیں اور امریکی سینیٹ کے لیے منتخب ہونے والے پہلے مسلمان بن کر تاریخ رقم کر سکتے ہیں۔

یہ بھی پڑھئے: امریکی وسط مدتی انتخابات: ٹرمپ اور ہیرس کی انتخابی مہم کے دوران سروے کیا بتا رہے ہیں؟

ٹرمپ کا میٹل ڈیٹیکٹر والا تبصرہ
اتوار۲۵؍ اکتوبر کو مشی گن کے پورٹ ہورون میں ایک ریلی میں ٹرمپ نے امریکی سینیٹ کے امیدوار عبدالسید کا موازنہ نائن الیون کے حملہ آوروں سے کیا تھا۔ ڈیموکریٹ کے خلاف ووٹ دینے کا موازنہ مشی گن کے رہائشی ٹوڈ بیمر اور دیگر افراد کے اقدامات سے کرتے ہوئے جنہوں نے فلائٹ ۹۳؍ کے ہائی جیکروں کے خلاف مزاحمت کی تھی، صدر نے کہا، ’’پچیس سال بعد، مشی گن کو کھڑا ہونا اور لڑنا ہوگا، بالکل ویسے ہی جیسے ٹوڈ نے کیا، تاکہ ایک جہادی کو کیپیٹل میں داخل ہونے سے روکا جا سکے۔‘‘ٹرمپ نے مزید کہا کہ اگر السید جیت گیا تو، ’’وہ واحد سینیٹر ہوگا جسے سینیٹ میں جانے کی اجازت سے پہلے میٹل ڈیٹیکٹر سے گزرنا پڑے گا۔‘‘

یہ بھی پڑھئے: بیشتر ممالک میں ہنگامی حالات کیلئے تیار رہنے پرزور

صدر نے السید کے سیاہ فام اور یہودی ووٹروں کوپاگل کہا
مزید برآں حال ہی میں، جمعرات۲۹؍ اکتوبر کو جنوبی کیرولینا میں ایک ریلی کے دوران، ٹرمپ نے السید کے ووٹروں پر تنقید کی، خاص طور پر سیاہ فام اور یہودی ووٹروں کو نشانہ بنایا جو ان کی حمایت کرتے ہیں، اور انہیں ’’پاگل‘‘ قرار دیا۔ٹرمپ نے ریلی میں کہا، ’’جب ہمیں پتہ چلتا ہے کہ اس نے جو کچھ کہا وہ خوفناک تھا، اگر آپ سیاہ فام ہیں یا یہودی ہیں، اور اگر آپ عبدال کو ووٹ دیتے ہیں تو آپ پاگل ہیں۔ ٹھیک ہے، آپ پاگل ہیں،‘‘ انہوں نے السید کے حامیوں کے بارے میں مزید کہا، ’’آپ ویسے بھی پاگل ہیں۔‘‘