پہلگام حملے کے بعد ہندوستان اور پاکستان کے درمیان کشیدگی بڑھ گئی ہے۔ اس کشیدگی کی وجہ سے آگے چل کر جو حالات پیدا ہوں وہ اپنی جگہ، لیکن اُن گھروں کے حالات آج ہی خراب ہوگئے ہیں جن کے خاندان بکھر رہے ہیں۔

اس طرح کے حالات سرحد کے دونوں طرف  ہیں۔ ہندوستان نے ایک بڑی تعداد میں پاکستانی شہریت رکھنے والوں کو جبراً ان کے وطن واپس بھیج دیا ہے،اسی طرح کی کارروائی پاکستان نے بھی کی ہے۔ اٹاری واگھہ سرحد پر  اپنے رشتہ داروں کو الوداع کہنے والوں کے چہروں پرجدائی کا درد صاف نظر آرہا تھا۔ ان میں سے کچھ ایسے تھے جواپنے والدین سے بچھڑ رہے تھے تو کچھ خواتین کا ان کے شوہر سے ساتھ چھوٹ رہا تھا۔

(۱) یہ پاکستانی شہریت رکھنے والی ثمرین ہیں جنہیں اپنا شوہر اور اپنے بچوں کو چھوڑ کر پاکستان جانا پڑرہا ہے۔

(۲) یہ سارہ خان ہیں جو اپنے ۱۴؍ دن کے بچے کے ساتھ اپنے شوہر اور دوسرے بچوں کو چھوڑ کر جانے پر مجبور ہیں۔

(۳) اٹاری بارڈر پر اُس وقت کا منظر نہایت جذباتی ہوگیا تھا جب ایک خاتون اپنی بہو اور اپنے شیر خوار پوتے کیلئے پھوٹ پھوٹ کر رونے لگی تھیں۔  بہو کی حالت بھی غیر ہوگئی تھی۔

(۴) اس معصوم کی کیفیت کا اندازہ ہم نہیں لگا سکتے جس کی ماں کو اس سے دور کیا جارہا ہے۔

(۵) اسماء نامی یہ خاتون اپنے شوہر سے جدا ہورہی ہے۔اس کا شوہر اسے سرحد پر چھوڑنے جارہا ہے۔ 

 (تصاویر: پی ٹی آئی)