فیفا کلب ورلڈ کپ فائنل میں کامیابی کے بعد کھلاڑیوں کے جشن منانے کے دوران چیلسی کے کپتان جیمز ریس اور روبرٹ سینچیس نے ڈونالڈ ٹرمپ کو جانے کو کہا جس کے جواب میں ٹرمپ نے کہا کہ’’میں بھی آپ کے ساتھ جشن منا رہا ہوں ‘‘ جبکہ ان کے عقب میں کھڑے کول پالمر واضح طور پر ناخوش نظر آئے۔

۳۲؍ ٹیموں پر مشتمل پہلے فیفا کلب ورلڈ کپ کے فائنل میں انگلش کلب چیلسی، فرانسیسی کلب پیرس سینٹ جرمین (پی ایس جی) کو۳؍ صفر سے شکست دے کر چمپئن بن گیا۔ پہلے ہاف میں چیلسی کی جانب سے کول پالمر نے۲؍ شاندار گول اسکور کئے جبکہ چیلسی کے کھلاڑی پیڈرو نے بھی پہلے ہی ہاف میں گول اسکور کرکے ٹیم کو ۳؍ صفر کی برتری دلوائی، اگرچہ دوسرے ہاف کی شروعات میں انتظامی کوتاہیوں کی وجہ سے تاخیر ہوئی لیکن دوسرے ہاف میں دونوں ٹیمیں ہی اسکور کرنے میں ناکام رہیں اور چیلسی ۳؍ صفرسے کامیاب رہی۔ 

Just look at the angles Joao Pedro’s run opens for Cole Palmer’s 2nd goal. pic.twitter.com/o7waVeJ3OA

— Owuraku Ampofo (@_owurakuampofo) July 13, 2025

دوسری جانب امریکی صدر ڈونالڈ ٹرمپ فٹبال کے فائنل میں بھی مرکزِ توجہ بن گئے۔ چونکہ یہ ٹورنامنٹ امریکہ میں کھیلا گیا تھا اس لئے فائنل میں امریکی صدر نے بھی شرکت کی جبکہ یہ فائنل امریکی ریاست نیو جرسی کے میٹ لائف اسٹیڈیم میں کھیلا گیا تھا۔ تاہم، فائنل کا سب سے دلچسپ لمحہ ڈونالڈ ٹرمپ کا فیفا کے صدر انفینتینو کے ہمراہ ٹرافی پیش کرنے آنا تھا، عموماً ٹیم کے کپتان کو ٹرافی پیش کرکے سربراہِ مملکت ایک طرف ہوجاتے ہیں تاکہ کھلاڑی جشن منا سکیں لیکن ٹرمپ یہاں بھی مرکزِ نگاہ اس وقت بن گئے جب وہ ٹرافی دینے کے بعد بھی کھلاڑیوں کے ساتھ کھڑے رہے جبکہ فیفا کے صدر انہیں وہاں سے جانے کا کہتے رہے۔ 

📸 - CHELSEA LIFTING THE TROPHY WITH DONALD TRUMP STANDING IN BETWEEN THEM! pic.twitter.com/eZWPQ7uBr2

— The Touchline | Football Coverage (@TouchlineX) July 13, 2025

چیلسی کے کپتان جیمز ریس اور روبرٹ سینچیس نے بھی انہیں جانے کو کہا جس کے جواب میں ٹرمپ نے کہا کہ’’میں بھی آپ کے ساتھ جشن منا رہا ہوں ‘‘ جبکہ ان کے عقب میں کھڑے کول پالمر واضح طور پر ناخوش نظر آئے۔ ٹرمپ کے اس فعل نے کئی سوالات کھڑے کئے کہ کہیں فیفا کے صدر کی ٹرمپ کے ساتھ قربت کی وجہ سے یہ کھیل بھی تو کوئی بزنس ڈیل نہیں بن گیا ہے جبکہ سوشل میڈیا صارفین کا کہنا ہے کہ ٹرمپ اتنے خود پسند ہیں کہ انہوں نے چیلسی کے اس تاریخی لمحے کو برباد کردیا۔