تائیوان اور جاپان کے انتہائی جنوبی جزائر میں تباہی مچانے کے بعدطاقت ور طوفان ’چمپی‘ سنیچرکے روز چین کی جانب بڑھنےلگا۔ طوفان کے باعث ہزاروں گھروں کی بجلی گل ہوگئی، جبکہ سیکڑوں پروازیں منسوخ کرنی پڑیں۔

تائیوان اور جاپان کے انتہائی جنوبی جزائر میں تباہی مچانے کے بعدطاقت ور طوفان ’چمپی‘ سنیچرکے روز چین کی جانب بڑھنےلگا۔ طوفان کے باعث ہزاروں گھروں کی بجلی گل ہوگئی، جبکہ سیکڑوں پروازیں منسوخ کرنی پڑیں۔ تائیوان میں ایک شخص ہلاک اور ۶۰۰؍سے زائد افراد زخمی ہوگئے، جبکہ حکام نے طوفان کی آمد سے قبل۵؍ ہزار سے زائد افراد کو ان کے گھروں سے محفوظ مقامات پر منتقل کردیا تھا۔ 
ہوا کی رفتار میں کمی
جوائنٹ ٹائیفون وارننگ سینٹرکی تازہ اطلاع کے مطابق، ہوا کی رفتار کم ہوکر۱۰۲؍کلومیٹر فی گھنٹہ رہ جانے کے بعد طوفان چمپی کی شدت گھٹ گئی۔ حالیہ دنوں میں بحرالکاہل سےگزرتے ہوئے یہ طوفان کچھ وقت کے لیے سپر ٹائیفون کی شدت اختیارکرگیا تھا، جس کے دوران ہواؤں کی زیادہ سے زیادہ مسلسل رفتار تقریباً ۳۰۰؍کلومیٹر فی گھنٹہ ریکارڈ کی گئی تھی۔

یہ بھی پڑھئے: اسرائیل کے لیے امریکی فوجی حمایت کا خاتمہ کچھ وقت کی بات ہے: نیتن یاہو

۳ء۴؍لاکھ گھربجلی سے محروم
تائیوان میں جمعرات سے طوفان کے متعلق انتباہ جاری کیے جانے کے بعد حکام نے بڑے پیمانے پر حفاظتی اقدامات کیے۔ طوفان نے کئی علاقوں میں درخت اکھاڑ دیے، بجلی کی تاریں گرا دیں اور بعض مقامات پرمختصر مدت کے لیے سیلابی صورت حال پیدا کردی۔ شدید ہواؤں اور موسلا دھار بارش کے باعث۳؍ لاکھ ۴۰؍ ہزارسے زائد گھروں کی بجلی متاثر ہوئی تھی، تاہم حکام کے مطابق ۹۰؍ فیصد سے زیادہ متاثرہ گھروں کو بجلی کی فراہمی بحال کردی گئی۔ 
طوفان چین کی جانب بڑھنے لگا
طوفان جزیرے کے شمال مشرقی حصے سے دور ہوکر چین کی جانب بڑھنے لگا، لیکن شمالی اور وسطی تائیوان میں بیشتر دکانیں دوسرے روز بھی بند رہیں۔ مرکزی محکمہ موسمیات کی عہدیدار وو وان ہوا نے ایک بریفنگ میں کہا کہ اگرچہ طوفان بتدریج دور ہورہا ہے، تاہم ساحلی علاقوں میں اب بھی بلند لہروں اور تیز ہواؤں کے جھکڑوں کا خطرہ برقرار ہے۔ محکمہ موسمیات کے مطابق، تائیوان کے شمال مشرقی ضلع ییلان کے قریب طوفان نے اپنا رخ تبدیل کرتے ہوئے چکر لگایا، جس کے باعث جمعرات سے اب تک وہاں کم از کم ۶۵؍ سینٹی میٹر(تقریباً۲۶؍انچ) بارش ریکارڈ کی گئی۔