ایرانی صدر نے کہا کہ رہبر اعلیٰ کی شہادت ایرانی قوم کے عزم، اتحاد اور مزاحمت کے جذبے کو مزید مضبوط کرے گی۔

 ایران کے صدر مسعود پزشکیان نے سابق سپریم لیڈر علی خامنہ ای کی سرکاری آخری رسوم سے قبل قوم کے نام اپنے خصوصی پیغام میں کہا ہے کہ ان کے رہنما کی شہادت کسی سفر کا اختتام نہیں بلکہ ایک نئے باب کا آغاز ہے۔

یہ بھی پڑھئے:فیفا ورلڈکپ : رونالڈو کی پنالٹی کامیاب، پرتگال نے کروشیا کو مات دی

ایرانی نشریاتی ادارے پریس ٹی وی کے مطابق صدر پزشکیان نے اپنے پیغام میں کہا کہ علی خامنہ ای کی شہادت ایرانی قوم کے عزم، اتحاد اور مزاحمت کے جذبے کو مزید مضبوط کرے گی۔انہوں نے کہاکہ ہمارے رہنما کی شہادت اس راستے کا اختتام نہیں بلکہ ایک نئے باب کی شروعات ہے۔صدر پزشکیان نے کہا کہ ایران اپنی قومی خودمختاری، بنیادی اصولوں اور قومی مفادات کے تحفظ کیلئے پہلے سے زیادہ مضبوطی کے ساتھ آگے بڑھے گا اور ملک کی قیادت عوام کے اعتماد اور قومی اتحاد کے ساتھ اپنا سفر جاری رکھے گی۔

یہ بھی پڑھئے:راجکمار کا انداز اور ڈائیلاگ مشہور ہوتے تھے

انہوں نے ایرانی عوام سے اپیل کی کہ وہ اس نازک مرحلے پر اتحاد، صبر اور یکجہتی کا مظاہرہ کریں اور ملک کے استحکام اور سلامتی کے لیے اپنا کردار ادا کریں۔صدر نے اس عزم کا بھی اظہار کیا کہ ایران اپنے قومی مقاصد اور پالیسیوں پر ثابت قدم رہے گا اور شہداء کی قربانیوں کو رائیگاں نہیں جانے دے گا۔یہ بیان ایسے وقت میں سامنے آیا ہے جب ایران میں علی خامنہ ای کی سرکاری آخری رسوم کی تیاریاں جاری ہیں، جن میں مختلف ممالک سے اعلیٰ حکومتی، سیاسی اور مذہبی شخصیات کی شرکت متوقع ہے۔تجزیہ کاروں کے مطابق صدر پزشکیان کا پیغام ایرانی عوام کے لیے حوصلہ افزا اور سیاسی استحکام کا پیغام ہے۔