مرکزی وزیر داخلہ امیت شاہ نے آج کہا کہ مرکزی حکومت نے اندرونی تحفظ اور شمال مشرقی ریاستوں کی آبادی ساخت کو درست رکھنے کیلئے ہندوستان میانمار سرحدی معاہدہ ختم کرنے کا فیصلہ کیا ہے۔ یہ حل وزیر اعظم نریندر مودی نے پیش کیا ہے۔ خیال رہے کہ حکومت نے ۲؍ دن قبل ہند میانمار سرحد کی احاطہ بندی کرنے کا فیصلہ کیا تھا۔

مرکزی وزیر داخلہ امیت شاہ نے کہا کہ مرکز نے ملک کے اندرونی تحفظ اور شمال مشرقی ریاستوں کی کی آبادیاتی ساخت کو درست رکھنے کیلئے ہندوستان میانمارسرحدی معاہدہ ختم کرنےکا فیصلہ کیا ہے۔وزرات خارجہ اسے ختم کرنے کے عمل میں ہےاور  وزرات داخلہ نے اس سرحدی معاہدہ کی فوری معطلی کا مشورہ پیش کیا ہے۔ خیال رہے کہ سرحدی معاہدہ (فری موومنٹ ریجائم) ایف ایم آر کے ذریعے ہندوستان اور میانمار کی سرحدوں کے قریب رہنے والے افراد بغیر کسی کاغذات کے ایک دوسرے کی سرحد میں ۱۶؍ کلومیٹر اندر تک داخل ہو سکتے ہیں۔

It is Prime Minister Shri @narendramodi Ji`s resolve to secure our borders.

The Ministry of Home Affairs (MHA) has decided that the Free Movement Regime (FMR) between India and Myanmar be scrapped to ensure the internal security of the country and to maintain the demographic…

— Amit Shah (@AmitShah) February 8, 2024

امیت شاہ نے اپنے ایکس پوسٹ میں لکھا کہ یہ ہماری سرحدوں کو محفوظ رکھنے کیلئے وزیر اعظم نریندر مودی نے یہ حل پیش کیاہے۔ وزرات داخلہ نے فیصلہ کیا ہے کہ اندرونی تحفظ اور شمال مشرقی ریاستوں کی آبادی ساخت کو درست رکھنے کیلئے ہندوستان اور میانمار کے درمیان سرحدی معاہدہ ختم کر دیا جائے۔خیال رہے کہ یہ فیصلہ امیت شاہ کے ایک ہزار ۶۴۳؍کلومیٹر لمبی ہند میانمارسرحد کی احاطہ بندی کرنے کے فیصلے کےدو دن بعد سامنے آیا ہے۔

یہ بھی پڑھئے: پاکستان: انتخابات کے دوران سیکوریٹی مقاصد کیلئے موبائل فون خدمات عارضی طور پر معطل

ہند میانمار سرحد، جو منی پور، ناگالینڈ اوراروناچل پردیش سے ہو کر گزرتی ہے، فی الحال ہند میانمار سرحدی معاہدہ کی پاسداری کر رہی ہے۔اسے ۲۰۱۸ء میں انڈیا ایکٹ ایسٹ پالیسی کے تحت نافذ کیا گیا تھا۔میانمار سرحد کی احاطہ بندی کرنے کا فیصلہ امپھال وادی کے میتی گروپ کے مطالبے کے بعد سامنے آیاہے۔ میتی برادری نے الزام عائد کیا تھا کہ قبائیلی عسکریت پسند اکثر اس سرحد کے ذریعے ہندوستان میں داخل ہوتے ہیں۔
منگل کو وزیر داخلہ نے کہا تھا کہ ہند میانمار سرحد کی احاطہ بندی کرنے کے علاوہ بہتر نگرانی کیلئے گشتی گاڑیاں بھی چلیں گی۔تاہم، احاطہ بندی کرنے کیلئے ۲؍ پائلٹ پروجیکٹ پر کام کیا جا رہا ہے۔ 
امیت شاہ نے مزید کہا تھا کہ ان پروجیکٹوں کے ذریعے اروناچل پردیش اور منی پور میں ایک کلومیٹر کی احاطہ بندی کی جائے گی۔ منی پور میں تقریباً ۲۰؍  کلومیٹر پر محیط احاطہ بندی کے کام کو بھی منظوری دی گئی ہے جسے جلد شروع کیاجائے گا۔