نوی ممبئی میں بڑھتی ہوئی فضائی آلودگی سے انتظامیہ فکر مند ہے اور اسے روکنے کے لئے اس نے عملی اقدامات بھی کرنے شروع کر دیئے ہیں لیکن ساتھ میں اس نے عوام سے بھی تعاون کی اپیل کی ہے۔ 

میونسپل کمشنر ڈاکٹر کیلاش شندے کے مطابق ہم نے اپنی حدود میں صفائی مہم بڑے پیمانے پر شروع کی ہے جس کے تحت اہم راستوں  سےمٹی صاف کر کے پانی کا چھڑ کاؤ کر رہے ہیں۔ ان کے علاوہ ہوا میں مشین کے ذریعے پانی کا چھڑکاؤ کر رہے ہیں ۔ہم ایک اہم قدم اٹھاتے ہوئے جہاں بلڈنگ تعمیر ہو رہی ہے وہاں پر جا کر اس بات پہ معائنہ کر رہے ہیں کہ کہ آلودگی تو نہیں پیدا ہو رہی ہے۔ اگر ایسا ہوتا ہے تو ہم ان کے خلاف جرمانہ عائد کریں گے۔ ہو سکتا ہے کہ ہم ان کی بلڈنگ کی تعمیر ہی کو  روک دیں۔

انہوںنے مزید بتایاکہ ہم عوامی بیداری پیدا کرنے کے لئے پمفلٹ بھی لوگوں میں تقسیم کر رہے ہیں ۔اس میں کیا کریں؟ اور کیا نہ کریں؟ اس بارے میں رہنمائی کر رہے ہیں اور اس کا ہمیں عوام سے کافی اچھا رسپانس ملا ہے۔ ہم اپنی ہدایات میں کہاکہ جتنا ہو سکے ایل ڈی بلب کا استعمال کریں۔ ایل پی جی سی این جی اور الیکٹرک کے ذریعے چلنے والے گاڑیوں کا استعمال کریں۔ یہ بھی دیکھا گیا ہے کہ اگر کسی کو قریب بھی جانا ہو تو وہ سائیکل یا موٹر سائیکل کا استعمال کرتا ہے، اس سے گریز کریں اور پیدل ہی اپنی منزل پر جائیں اگر ہو سکے تو دور کے سفر کے لئے بس یا میٹرو کا استعمال کریں۔ اپنی گاڑیوں کی ہمیشہ سروسنگ کراتے رہیں، ہر ایک گھر یا بلڈنگ کے پارکنگ کی جگہ پر جھاڑو ضرور لگائیں اور اسے ہمیشہ پانی دیتے رہیں۔ اسی طرح پٹاخے کا استعمال جتنا ہو سکے کم کریں۔ ہوٹل اور بیکری کو کوئلے استعمال نہ کرنے کی ہدایت ہم دے ہی چکے ہیں ۔عوام کے تعاون سے ہم فضائی آلودگی پر قابو پا سکتے ہیں کیونکہ یہ عوام کی صحت کے لئے کافی نقصان دہ ہے۔