کیپٹن جیمز کک مشہور ایکسپلورر تھے۔ ان کا جہاز ’’ایچ ایم ایس اینڈیور‘‘ طویل عرصے سے گمشدہ تھا جسے رہوڈ آئی لینڈ کے ساحل سے برآمد کیاگیا ہے۔

نیو یارک پوسٹ کی رپورٹ کے مطابق ’’ایچ ایم ایس اینڈیور‘‘، طویل عرصے سے گمشدہ بحری جہاز جسے مشہور برطانوی ایکسپلورر کیپٹن جیمز کک نے اپنے بحرالکاہل کے سفر کے دوران چلایا تھا، رہوڈ آئی لینڈ کے ساحل سے دریافت کیا گیا ہے جس سے ۲۵۰؍ سالہ سمندری اسرار کا خاتمہ ہو گیا ہے۔ آسٹریلوی نیشنل میری ٹائم میوزیم نے اس دریافت کا اعلان کیا جسے کئی دہائیوں سے زمین اور سمندر پر تلاش کیا جارہا تھا۔ میوزیم نے ۱۹۹۹ء میں اینڈیور کی تلاش شروع کی تھی اور حال ہی میں اس بات کی تصدیق کی کہ نیوپورٹ ہاربر میں ایک ملبہ، جس پر پہلے آر آئی ۲۳۹۴؍ کا لیبل لگایا گیا تھا، مشہور جہاز کی آخری منزل ہے۔

After 250 years, Captain James Cook’s HMS Endeavour has likely been identified as the shipwreck RI 2394 in Newport Harbor, Rhode Island, according to a June 3, 2025 report by the Australian National Maritime Museum (ANMM). Launched in 1764 as the Earl of Pembroke and renamed… pic.twitter.com/4urDX6irfG

— Sabrina (@Sabrina7772) June 17, 2025

عجائب گھر کے ڈائریکٹر ڈیرل کارپ نے کہا کہ ’’یہ حتمی رپورٹ اس اہم جہاز پر ۲۵؍ سال کے تفصیلی اور پیچیدہ آثار قدیمہ کے مطالعے کی انتہا ہے۔‘‘ واضح رہے کہ جیمز کک نے ۱۷۶۸ء سے ۱۷۷۱ء تک بحر الکاہل کے اپنے پہلے سفر کے دوران تاریخی شہرت حاصل کی، جو مشرقی آسٹریلیا تک پہنچنے اور نیوزی لینڈ کا چکر لگانے والا پہلا یورپی جہاز بن گیا۔ مہم کے بعد، جہاز کو فوجی نقل و حمل کیلئے دوبارہ تیار کیا گیا۔ اسے ۱۷۷۸ء میں امریکی انقلابی جنگ کے دوران ناکہ بندی کے ایک حصے کے طور پر ختم کر دیا گیا تھا۔
آسٹریلیائی نیشنل میری ٹائم میوزیم کے ماہر آثار قدیمہ جیمز ہنٹر نے دلیل دی کہ ملبے کی شناخت کی تصدیق کیلئے کافی معیارات پورے کئے گئے ہیں۔ہمیں بہت سی چیزیں ملی ہیں جو بتاتی ہیں کہ یہ جیمز کک کا اینڈیور تھا۔‘‘