بابا رام دیو نے زکوٰۃ نظام کی تعریف کی، ہندوؤں سے کہا کہ غربت سے نمٹنے کیلئے عطیہ کرنے کی روایت اپنائیں، راجستھان کے ضلع سیکر میں بھاگوت کتھا کے دوران یوگا گُرو نے زکوٰۃ کے ذریعے مسلم معاشرے کی مضبوطی کو اجاگر کیا۔

ایک غیر معمولی بیان میں، یوگا گُرو بابا رام دیو نے ہندو برادری پر زور دیا ہے کہ وہ زکوٰۃ کے صدیوں پرانے اسلامی اصول سے سیکھیں، اس بات پر زور دیتے ہوئے کہ غریبوں کی بہبود کے لیے آمدنی کا ایک مقررہ حصہ دینے کا رواج مسلمانوں کو سماجی طور پر مضبوط بناتا ہے۔راجستھان کے ضلع سیکر میں ریواڑا دھام کے مذہبی مقام پر ہونے والی سات روزہ بھاگوت کتھا کے دوران خطاب کرتے ہوئے، بابا رام دیو نے کہا کہ ہندو برادری کو اپنے صحیفوں میں لکھی گئی `دان (عطیہ) کے تصور کو زندہ کرنا ہوگا اور خیرات کے میدان میں پیچھے نہیں رہنا چاہیے۔

बाबा रामदेव कह रहे हैं –

मुसलमान अपनी कमाई का 6 प्रतिशत ज़कात देते हैं और हिन्दू 1 प्रतिशत दान देने में भी कहते हैं… महाराज! हम तो पहले ही ग़रीब हैं।

सही है रामदेव जी, 100 में से 33 तो पहले से ही निर्मला ताई को दे रहे हैं, तो 1 प्रतिशत आपको भी दे देंगे… pic.twitter.com/pjcYmZpkJp

— Sarita Choudhary (@Saritanitharwal) August 19, 2025

مسلمانوں کے زکوٰۃ کے نظام کا حوالہ دیتے ہوئے، بابا رام دیو نے کہا: ’’اگرچہ ایک مسلمان غریب ہے یا مزدور ہے، پھر بھی وہ اپنی آمدنی کا ایک فیصد زکوٰۃ کے طور پر دیتا ہے۔ یہ روایت بہت طاقتور ہے کیونکہ یہ براہ راست ان کے مذہب کے ضرورت مندوں کی خدمت میں جاتا ہے۔سینکڑوں عقیدت مندوں سے اپنے خطاب میں، یوگا گُرو نے لوگوں کو یاد دلایا کہ مسلم برادری کے ارکان، چاہے وہ روزانہ صرف ۵۰۰؍روپے یا۱۰۰۰؍ روپے ہی کماتے ہوں، پھر بھی اپنی آمدنی کا ایک حصہ خیرات کے لیے الگ رکھتے ہیں۔رام دیو نے کہا، کہ ’’یہ قابل ذکر ہے کہ غریب ترین مسلمان بھی اپنی زکوٰۃ کی ذمہ داری نہیں بھولتا۔ یہ عمل ان کی برادری کو مضبوط اور متحد بناتا ہے۔ یہ ہم سب کے لیے ایک سبق ہے۔‘‘انہوں نے مزید کہا کہ آج مسلمان صرف دستی محنت تک محدود نہیں ہیں بلکہ تکنیکی شعبوں اور ہنر مند پیشوں میں بھی نمایاں کارکردگی کا مظاہرہ کر رہے ہیں۔ ‘‘ان کی مضبوطی کی ایک بڑی وجہ یہ ہے کہ ہر مسلمان، خواہ امیر ہو یا غریب، اپنے معاشرے میں حصہ ڈالتا ہے۔ زکوٰۃ نے انہیں یہی تو دیا ہے۔‘‘ہندو معاشرے کی طرف اپنی توجہ مرکوز کرتے ہوئے، بابا رام دیو نے زور دیا کہ ہندوؤں کو اپنے صحیفوں کی طرف لوٹنا ہوگا اور عطیہ دینے کے جذبے کو زندہ کرنا ہوگا۔انہوں نے کہا، ’’ہمارے قدیم صحیفے واضح طور پر کہتے ہیں کہ خیرات نیکی لاتی ہے اور معاشرے کو مضبوط بناتی ہے۔ لیکن افسوس کی بات ہے کہ بہت سے ہندو اسے بھول گئے ہیں۔ جو شخص عطیہ نہیں دیتا وہ ہمیشہ معاشی اور سماجی طور پر پیچھے رہ جاتا ہے۔‘‘
بابا رام دیو کے بیان نے ریواڑا دھام کے عقیدت مندوں میں بڑے پیمانے پر بحث چھیڑ دی، جن میں سے کئی نے دوسرے مذہب کی مثال اجاگر کرنے پر ان کی تعریف کی۔ایک عقیدت مند سورش شرما نے کہا:یہ شاذ و نادر موقع ہے کہ ہندو سنت نے کھلے عام مسلمانوں کی تعریف کی۔ آج بابا رام دیو نے جو کہا وہ ایمانداری دکھاتا ہے۔ ہمیں تسلیم کرنا چاہیے کہ مسلمان خیرات کے کاموں میں پابند ہیں اور اسی لیے ان کی برادری مضبوط ہے۔‘‘ایک اور عقیدت مند کملا دیوی نے مزید کہاکہ ’’انہوں نے سچ کہا۔ اگر ہم سب اپنی آمدنی میں سے کچھ دان دیں ،جیسے مسلمان زکوٰۃ دیتے ہیں، تو ملک میں کوئی بھوکا نہیں رہے گا۔‘‘

یہ بھی پڑھئے: ’’ ذبیحہ مخالف قانون کو پھاڑکر پھینک دینا چاہئے‘‘

مذہبی اسکالرز نے بھی اس بیان کا خیر مقدم کیا، اسے برادریوں کے درمیان بڑھی ہوئی تفہیم کی طرف ایک قدم قرار دیا۔ اسلامی علوم کے اسکالر پروفیسر اقبال احمد نے کہا کہ ’’یہ بیان ثابت کرتا ہے کہ زکوٰۃ کی مسلم روایت نہ صرف مسلمانوں کے لیے فائدہ مند ہے بلکہ پوری انسانیت کے لیے ایک مثال قائم کرتی ہے۔ اگر ہندو اپنے دان کے نظام کو اسی سنجیدگی سے اپنائیں تو معاشرہ منصفانہ بن جائے گا۔‘‘