آج دوپہر ڈھاکہ (بنگلہ دیش) میں فضائیہ کا ایک طیارہ کالج کیمپس میں گر کر تباہ ہوگیا جس میں ۱۹؍ افراد کے ہلاک ہونے کی اطلاعات ہیں جبکہ درجنوں بری طرح جھلس گئے ہیں۔

بنگلہ دیشی فضائیہ کا ایک تربیتی طیارہ پیر کو دارالحکومت ڈھاکہ کے ایک کالج کیمپس میں گر کر تباہ ہوگیا۔ فائر سروسیز کے مطابق اس حادثے میں کم از کم ۱۹؍ افراد ہلاک ہوگئے ۔ ایک اہلکار نے بتایا کہ اس حادثے میں ۱۰۰؍ سے زائد جھلس گئے ہیں۔ حکام نے بتایا کہ زیادہ تر متاثرین کالج کے طلبہ اور عملہ تھے، جبکہ پائلٹ، جو پرواز کا واحد مسافر بھی ہے، زخمی ہونے والوں میں شامل ہے۔ عبوری حکومت نے اس مہلک حادثے کے پیش نظر منگل کو ملک بھر میں سوگ کا اعلان کیا ہے۔ ہوائی جہاز اترا کے پڑوس میں واقع میل اسٹون اسکول اینڈ کالج کی عمارت سے ٹکرا گیا، فوٹیج میں اس جگہ سے دھواں اور آگ نکلتی دکھائی دے رہی ہے۔

VIDEO | Dhaka: A Bangladesh Air Force F-7 aircraft crashed into a college classroom, with casualties feared. Rescue teams have reached the site, and relief operations are currently underway. Visuals from the crash site show the extent of the damage. pic.twitter.com/mVbRwOSoMT

— Press Trust of India (@PTI_News) July 21, 2025

عبوری حکومت کے سربراہ کے معاون خصوصی سید الرحمن نے ہلاکتوں کی تصدیق کرتے ہوئے کہا کہ ’’۱۰۰؍ سے ۱۵۰؍ افراد جن میں ۷۰؍ طلبہ بھی شامل ہیں، جھلس گئے جنہیں ڈھاکہ کے مختلف اسپتالوں میں داخل کروایا گیا ہے۔ فوج کے میڈیا ڈپارٹمنٹ، انٹر سروسیز پبلک ریلیشنز نے کہا کہ طیارے نے مقامی وقت کے مطابق دوپہر ایک بجلر ۶؍ منٹ پر پرواز بھری تھی۔