آر بی آئی نے قرضوں اور سرمایہ کاری کے لیے سخت حدود کے ساتھ، ٹائر وَن کیپٹل کے ۴۰؍فیصد پر بینکوں کے کیپٹل مارکیٹ ایکسپوژر کو محدود کرنے کے لیے نئے قوانین تجویز کیے ہیں۔

ریزرو بینک آف انڈیا(آر بی آئی )  نے بینکوں کو اندرون اور بیرون ملک اسٹریٹجک حصول کے مقصد کے لیے ہندوستانی کمپنیوں کو سرمایہ/قرض کی پیشکش کرنے کی اجازت دینے کی تجویز پیش کی ہے۔ نئی تجویز کے ساتھ آر بی آئی کا مقصد کیپٹل مارکیٹ میں بینکوں کی کارکردگی  کے لیے قوانین کو سخت اور اپ ڈیٹ کرنا ہے (براہ راست سرمایہ کاری اور سیکیورٹیز کے خلاف قرض دونوں)۔  کمرشیل  بینکوں کے کیپٹل مارکیٹ ایکسپوزر(سی ایم ای) ، ۲۰۲۵ء پر آر بی آئی  کے ڈرافٹ ڈائریکشنز کے مطابق اس کا مقصد خطرات کو کم کرنا اور تمام پرانے سرکلرز کو ایک فریم ورک کے تحت لانا ہے۔ مجوزہ رہنما خطوط یکم اپریل ۲۰۲۶ء سے لاگو ہونے کی امید ہے۔ 
کمپنیوں کو قرض (غیر افراد)
آر بی آئی  کے ڈرافٹ کے مطابق بینک اہل سیکیورٹیز کے خلاف ورکنگ  کیپٹل  یا پل لون دے سکتے ہیں۔ تاہم حصول فنانس کو ٹائر وَن  سرمائے کے۱۰؍  فیصد تک کی اجازت ہے، صرف اسٹریٹجک کے لیے (قیاس آرائی پر مبنی حصول نہیں)۔ خطرے کو محدود کرنے کے لیے، مرکزی بینک نے اپنے ٹائر وَن  کیپٹل کے ۱۰؍ فصد پر حصول فنانس کے لیے بینک کے کل ایکسپوژر کو محدود کرنے کی تجویز پیش کی ہے۔ حاصل کرنے والی کمپنی کو ڈیل ویلیو کا کم از کم۳۰؍ فیصد  حصہ اپنی ایکویٹی سے دینا ہوگا، جبکہ بینک ۷۰؍ فیصد  تک فنانس کر سکتے ہیں۔ قرض کو ٹارگٹ کمپنی کے حصص کی طرف سے مکمل طور پر محفوظ کیا جانا چاہیے، بینک کی داخلی پالیسی کے مطابق اضافی ضمانت کے ساتھ اسے محفوظ کیا جانا چاہئے۔
ڈرافٹ کے دیگر اہم نکات کیا ہیں؟
آر بی آئی کے مسودے کے مطابق کسی بینک کا کل کیپٹل مارکیٹ ایکسپوزر (سی ایم ای) اس کے ٹائر  وَن کیپٹل کے ۴۰؍ فیصد سے زیادہ نہیں ہو سکتا۔ مزید برآں، براہ راست سی ایم ای  (جیسے سرمایہ کاری اور حصول فنانس) ۲۰؍ فیصد کی حد سے زیادہ نہیں ہو سکتا۔
بینک اپنی رسک پالیسیوں کے مطابق کم حدیں رکھ سکتے ہیں 
 کچھ سرمایہ کاری (مثال کے طور پر، حکومت کی حمایت یافتہ اداروں میں، قرض ایم ایفز، این سی ڈیز ) کو اس حد سے خارج کر دیا گیا ہے۔ بینک صرف منظور شدہ سیکیورٹیز کے خلاف قرض دے سکتے ہیں (جیسے درج شدہ حصص، بانڈز یا میوچوئل فنڈز)۔