منگل کی دیر شام اچانک گرج اور چمک کے ساتھ موسلادھار بارش نے شہری انتظامیہ کی مانسون کی تیاریوں کے دعوے کی قلعی کھول دی۔ نالوں کی صفائی نہ ہونے کے سبب مختلف علاقوں میں گندا پانی سڑکوں پر بہنے لگا جس سے ٹریفک نظام درہم برہم ہو گیا۔

منگل کی دیر شام اچانک گرج اور چمک کے ساتھ موسلادھار بارش نے شہری انتظامیہ کی مانسون کی تیاریوں کے دعوے کی قلعی کھول دی۔ نالوں کی صفائی نہ ہونے کے سبب مختلف علاقوں میں گندا پانی سڑکوں پر بہنے لگا جس سے ٹریفک نظام درہم برہم ہو گیا۔ بالا کمپاؤنڈ کے قریب انصاری پلے گراؤنڈ پر نالے پر کی گئی سینٹرنگ پانی کے تیز بہاؤ میں بہہ گئی جبکہ راجیو گاندھی فلائی اوور سمیت کئی اہم سڑکوں پر پانی جمع ہوجانے سے راہگیروں، خاص طور پر موٹر سائیکل سواروں کو شدید مشکلات کا سامنا کرنا پڑا۔ 

یہ بھی پڑھئے: بھیونڈی- کامن روڈ کی خستہ حالی پر عوام میں شدید ناراضگی

بارش کے باعث کئی علاقوں میں بجلی منقطع ہو گئی جس سے شہریوں کو مزید پریشانی کا سامنا کرنا پڑا۔ اس اچانک بارش نے شہری انتظامیہ کی تیاریوں پر سوالیہ نشان لگا دیا ہے۔ ادھر شادیوں کا موسم ہونے کے باعث کئی مقامات پر کھلے میدانوں میں منعقدہ تقریبات بارش کی نذر ہو گئیں جس کے سبب دلہا، دلہن اور باراتیوں کو گھروں میں محدود دائرے میں شادی کی رسومات ادا کرنی پڑیں۔