معروف ادا کار John Travolta کو Cannes Film Festival میں ان کی ہدایتکاری میں بننے والی پہلی فلم Propeller One-Way Night Coach کے ورلڈ پریمیر سے قبل اعزازی پام ڈور (The Palme d`Or) سے نوازا گیا۔ فیسٹیول ڈائریکٹر Thierry Frémaux نے انہیں ’’دنیا کے عظیم ترین اداکاروں میں سے ایک‘‘ قرار دیا۔ ٹراولٹا نے اس اعزاز کو ’’آسکر سے بھی بڑھ کر‘‘ قرار دیتے ہوئے اسے اپنی زندگی کا نہایت جذباتی اور عاجزانہ لمحہ بتایا۔

ہالی ووڈ اسٹار John Travolta کو Cannes Film Festival میں ایک غیر متوقع لیکن تاریخی اعزاز سے نوازا گیا، جہاں انہیں ان کی ہدایتکاری میں بننے والی پہلی فلم Propeller One-Way Night Coach کے عالمی پریمیر سے قبل اعزازی پام ڈور پیش کیا گیا۔ جمعہ کی شب ڈیبسی تھیٹر میں ہونے والی خصوصی تقریب کے دوران Thierry Frémaux نے ۷۲؍ سالہ اداکار کو یہ اعزاز پیش کیا اور انہیں ’’اپنے دور کے عظیم ترین اداکاروں میں سے ایک‘‘ قرار دیا۔ اعزاز وصول کرتے ہوئے جان واضح طور پر جذباتی دکھائی دیے۔ انہوں نے فرانسیسی زبان میں خطاب کرتے ہوئے کہا کہ یہ ان کے لیے ’’حیرت کی تکمیل‘‘ جیسا لمحہ ہے۔ بعد میں انہوں نے اعتراف کیا کہ انہیں بتایا گیا تھا کہ یہ ایک خاص رات ہوگی، لیکن وہ اس قدر بڑے اعزاز کی ہرگز توقع نہیں کر رہے تھے۔

یہ بھی پڑحئے : اگلے جیمز بانڈ کی تلاش شروع: آڈیشنز باضابطہ طور پر جاری

انہوں نے کہا، ’’یہ میرے لیے آسکر سے بھی بڑھ کر ہے۔ میں اب تک یقین نہیں کر پا رہا کہ یہ سب حقیقت ہے۔‘‘ فیسٹیول ڈائریکٹر تھیئری نے مسکراتے ہوئے جواب دیا، ’’ہمیں معلوم تھا!‘‘ جس پر حاضرین نے بھرپور تالیاں بجائیں۔ جان نے مزید کہا کہ یہ ان کی زندگی کا نہایت عاجزانہ لمحہ ہے اور انہوں نے دل کی گہرائیوں سے کانز انتظامیہ کا شکریہ ادا کیا۔ اس سال ٹراولٹا کانز میں اپنی نئی فلم Propeller One-Way Night Coach کے پریمیر کے لیے موجود تھے، جو ایپل کی حمایت یافتہ پروڈکشن ہے۔ یہ فلم ان کی ۱۹۹۷ء کی بچوں کی کتاب پر مبنی ہے اور اسے ٹراولٹا نے اپنی ’’اب تک کی سب سے ذاتی فلم‘‘ قرار دیا۔ فلم کی کہانی ہوا بازی کے سنہری دور میں ترتیب دی گئی ہے اور ایک نوجوان ہوائی جہاز کے شوقین لڑکے جیف اور اس کی والدہ کے کراس کنٹری سفر کے گرد گھومتی ہے۔ فلم میں کلارک شوٹ ویل اور کیلی پریسٹن کے ساتھ ٹراولٹا کی حقیقی بیٹی ایلا بلیو بھی شامل ہیں۔

John Travolta cries as he receives a massive round of applause while accepting a surprise Palme d’Or at #Cannes.https://t.co/K2FMG43erz pic.twitter.com/wI11VtNnqu

— Variety (@Variety) May 15, 2026

کانز میں اس سے قبل پیٹر جیکسن اور باربار اسٹریسینڈ کو بھی اعزازی پام ڈور دیے جانے کا اعلان کیا گیا تھا۔ گزشتہ سال یہی اعزاز ڈینزل واشنگٹن کو ایک سرپرائز تقریب میں دیا گیا تھا۔ ٹراولٹا کا کانز سے تعلق کئی دہائیوں پر محیط ہے۔ ان کی مشہور فلمیں Pulp Fiction، She’s So Lovely اور Primary Colors ماضی میں کانز فیسٹیول کا حصہ رہ چکی ہیں۔ ان کی نئی فلم ۲۹؍ مئی سے ایپل ٹی وی پر اسٹریمنگ کے لیے دستیاب ہوگی۔