مرکزی حکومت کی ہدایت پر یوٹیوب چینل’’ فور پی ایم نیوز ‘‘ قومی سلامتی کا حوالہ دے کر بلاک کردیا گیا، اس کے ایڈٹر سنجے شرما کا الزام ہے کہ حکومت تنقید کی وجہ سے اس پورٹل کو بار بار بلاک کر رہی ہے۔

مرکز (یونین حکومت) نے جمعرات کو یوٹیوب چینل ’’ فور پی ایم نیوز‘‘( 4PM News )کو بلاک کرنے کا حکم جاری کیا، جس کی وجہ قومی سلامتی اور امن عامہ سے متعلق خدشات بتائے گئے ہیں۔چینل کے ایڈیٹر سنجے شرما نے الزام لگایا کہ حکومت تنقید کی وجہ سے اس پورٹل کو بار بار بلاک کر رہی ہے۔چینل کے ہوم پیج پر ایک پیغام نظر آ رہا ہے جس میں لکھا ہے، ’’یہ مواد اس ملک میں فی الحال دستیاب نہیں ہے کیونکہ حکومت کی جانب سے قومی سلامتی یا امن عامہ سے متعلق حکم جاری کیا گیا ہے۔‘‘

یہ بھی پڑھئے: الہ آباد ہائی کورٹ کی سنبھل انتظامیہ پر سخت تنقید، کہا ملازمت ترک کردیں

دریں اثناء شرما نے بتایا کہ انہیں جمعرات کی صبح یوٹیوب کی جانب سے ایک ای میل موصول ہوئی جس میں انہیں حکومت کے اس فیصلے سے آگاہ کیا گیا۔ انہوں نے سوشل میڈیا پر ایک پوسٹ میں سوال اٹھایا، ’’کیا جمہوریت میں اب سچ بولنا جرم ہے؟ کیا حکومت سے سوال کرنا اب غیرملکی (غداری) ہو گیا ہے؟‘‘بعد ازاں 4PM News کے ایڈیٹر نے میڈیا کو بتایا کہ یوٹیوب کی جانب سے موصول ہونے والی ای میل میں چینل بلاک کیے جانے کی کوئی تفصیلی وجہ نہیں بتائی گئی۔ تاہم، انہوں نے اندیشہ ظاہر کیا کہ یہ فیصلہ ان کے ایران کے پروفیسر عباس کے ساتھ حالیہ انٹرویو کی وجہ سے ہو سکتا ہے۔شرما کے مطابق، انہوں نے حال ہی میں اپنے چینل پر سوال اٹھایا تھا کہ ایران دوست ملک ہونے کے باوجود مرکز اس کے بارے میں ایک خاص نقطہ نظر کیوں اپنا رہا ہے۔چینل کے ایڈیٹر نے تبصرہ کیا کہ حکومت کی جانب سے ان کے چینل کے خلاف یہ پہلی کارروائی نہیں ہے۔

یہ بھی پڑھئے: بحران کا اثر: گیس سلنڈر کے حصول کیلئے ہاہاکار، گیس ایجنسیوں کے باہر لمبی لمبی قطاریں

گزشتہ سال اپریل میں بھی مرکزی حکومت نے 4PM News کے یوٹیوب چینل کو بلاک کر دیا تھا۔ اس وقت بھی حکومت نے ’’قومی سلامتی یا امن عامہ‘‘ کا حوالہ دیا تھا۔
واضح رہے کہ اس سے قبل چینل نے۲۲؍ اپریل کو پہلگام میں ہونے والے دہشت گردانہ حملے کے بعد نریندر مودی کی قیادت والی مرکزی حکومت پر تنقید کرنے والی کئی ویڈیوز اپ لوڈ کی تھیں۔جمعہ کو 4PM News کے یوٹیوب چینل کو بلاک کرنے پر تبصرہ کرتے ہوئے عام آدمی پارٹی کے راجیہ سبھا ایم پی سنجے سنگھ نے کہا کہ ان کی پارٹی اس چینل اور سنجے شرما کے ساتھ کھڑی ہے۔ انہوں نے کہا، ’’غیر جانبدار آوازوں کو قومی سلامتی کے نام پر خاموش کرنا، یہ اگر بدتمیزی نہیں تو اور کیا ہے؟"سنگھ نے کہا کہ ،’’سچ کو دبانے والا بٹن ابھی ایجاد نہیں ہوا۔‘‘