معروف ہندوستانی شیف، ماہرِ تعلیم اور ٹیلی ویژن شخصیت ڈاکٹر کے دامودھرن المعروف شیف دامو۷۲؍ برس کی عمر میں چنئی میں انتقال کر گئے۔ گنیز ورلڈ ریکارڈ قائم کرنے اور پدم شری اعزاز حاصل کرنے والے شیف دامو نے جنوبی ہندوستانی پکوانوں کو مقبول بنانے میں اہم کردار ادا کیا۔

معروف شیف، ماہرِ تعلیم اور ٹیلی ویژن کی مقبول شخصیت ڈاکٹر کے دامودھرن، جنہیں شیف دامو (Chef Damu) کے نام سے جانا جاتا تھا، ۲۵؍ اکتوبر۲۰۲۶ء کو چنئی میں انتقال کر گئے۔ وہ۷۲؍ برس کے تھے اور کچھ عرصے سے علیل تھے۔ ان کے انتقال سے ہندوستان نے کھانا پکانے کے فن کی ایک ممتاز شخصیت کھو دی، جنہوں نے کئی نسلوں کے شائقینِ طعام، ابھرتے ہوئے شیف اور ٹیلی ویژن ناظرین کو متاثر کیا۔

RIP 💔 Chef Damu passed away this morning due to ill health. The news of the passing of Chef Damu, is a heartbreaking loss for the culinary community and his countless admirers. A celebrated chef and beloved television personality, he won the hearts of audiences through his passion for cooking, his knowledge of food and his memorable presence on television. His contribution to the culinary world and his influence on aspiring chefs would remain an important part of his legacy. Heartfelt condolences to his family, friends and admirers during this difficult time. 🙏 May his soul rest in peace. 🕊️

— Deepu (@deepu_drops) October 25, 2026

شیف کے دامودھرن کا انتقال
شیف دامو نے ہندوستانی کھانوں اور ذرائع ابلاغ کے شعبے میں اپنی غیر معمولی خدمات کے ذریعے نمایاں مقام حاصل کیا۔ اتوار، ۲۵؍ اکتوبر۲۰۲۶ء کو چنئی میں ان کا انتقال ہوا۔ ان کا کریئر کھانا پکانے کی تعلیم، ٹیلی ویژن اور ہندوستانی پکوانوں کی تشہیر پر مشتمل تھا۔ شیف دامو اپنے دلچسپ کوکنگ پروگراموں کے ذریعے گھر گھر مقبول ہوئے اور جنوبی ہندوستانی کھانوں کو عام لوگوں تک پہنچانے میں اہم کردار ادا کیا۔ تمل ریالٹی شو ’کوکو ود کومالی‘ (Cooku With Comali) میں بطور جج بھی انہیں خاصی شہرت حاصل ہوئی۔ ان کی خوش مزاجی، دل کش مسکراہٹ اور دوستانہ شخصیت نے ہر عمر کے ناظرین کے دل جیت لئے تھے۔ 
شیف دامو کون تھے؟
شیف دامو کا اصل نام کے دامودھرن تھا۔ انہوں نے کھانا پکانے کے فن، تعلیمی قابلیت اور ٹیلی ویژن کی دنیا میں اپنی صلاحیتوں کا لوہا منوایا۔ انہیں ۲۰۰۴ء میں یونیورسٹی آف مدراس سے ہوٹل مینجمنٹ اینڈ کیٹرنگ ٹیکنالوجی میں پی ایچ ڈی حاصل کرنے والے ہندوستان کے پہلے شیف کے طور پر پہچانا جاتا تھا۔ اپنے پورے کریئر کے دوران انہوں نے جنوبی ہندوستان کے روایتی ذائقوں اور پکوانوں کو فروغ دینے کیلئے کام کیا اور علاقائی کھانوں کو وسیع تر ناظرین تک پہنچایا۔ ٹیلی ویژن کے علاوہ انہوں نے شعبۂ تعلیم میں بھی اہم خدمات انجام دیں اور کھانا پکانے کے فن میں اپنا کریئر بنانے کے خواہش مند نوجوانوں کی رہنمائی کی۔

புகழ்பெற்ற சமையல் கலைஞர் செஃப் தாமு (Chef Damu) அவர்கள் உடல்நலக்குறைவால் காலமானார் என்ற செய்தி மிகுந்த வருத்தமளிக்கிறது. 🇮🇳 2025-ஆம் ஆண்டு பத்மஸ்ரீ விருது பெற்ற பெருமைக்குரிய இவர், சமையல் கலையில் தனது தனித்துவமான சாதனைகளால் உலகளவில் புகழ்பெற்றவர். மேலும், கின்னஸ் உலக சாதனைகளையும் படைத்து இந்தியாவிற்குப் பெருமை சேர்த்தவர். அவரது மறைவு சமையல் உலகிற்கு ஈடுசெய்ய முடியாத இழப்பு. 💐 #ChefDamu

— TVK INDIA HQ (@TVKINDIA_HQ) October 25, 2026

گنیز ورلڈ ریکارڈ اور پدم شری اعزاز
شیف دامو نے۲۰۱۰ء میں بین الاقوامی سطح پر اس وقت شہرت حاصل کی، جب انہوں نے مسلسل ۲۴؍ گھنٹے۳۰؍ منٹ تک کھانا پکانے کے دوران۶۱۷؍ پکوان تیار کرکے گنیز ورلڈ ریکارڈ قائم کیا۔ یہ کامیابی ان کی غیر معمولی مہارت، جسمانی برداشت اور اپنے پیشے سے لگن کا ثبوت تھی۔ کھانا پکانے کے فن میں ان کی خدمات کے اعتراف میں انہیں ۲۰۲۵ءمیں ہندوستان کے اعلیٰ ترین شہری اعزازات میں شامل پدم شری سے بھی نوازا گیا۔ 
کھانا پکانے کے فن میں ناقابلِ فراموش خدمات
شیف دامو کا اثر صرف ترکیبوں اور کوکنگ شوز تک محدود نہیں تھا۔ انہوں نے تعلیم، ٹیلی ویژن اور علاقائی پکوانوں کی ترویج کے ذریعے کھانا پکانے کے فن کو عام لوگوں کیلئے زیادہ قابلِ رسائی بنایا۔ ان کی کوششوں نے روایتی ہندوستانی کھانوں کو مقبول بنانے اور نئی نسل کو اس فن کی جانب راغب کرنے میں اہم کردار ادا کیا۔ 
وزیراعلیٰ وجے نے شیف دامو کے انتقال پر افسوس کا اظہار کیا

பிரபல சமையல் கலைஞர் செஃப் தாமு என்று அழைக்கப்படும் திரு.கே.தாமோதரன் அவர்களின் மறைவு மிகுந்த வேதனையளிக்கிறது. தனது சமையல் திறமையாலும், தனித்துவமான அணுகுமுறையாலும், தொலைக்காட்சி நிகழ்ச்சிகள் வாயிலாகச் சமையல் கலையை மக்களிடம் கொண்டு சேர்த்தவர். 2010 ஆம் ஆண்டில் தனிநபரின் மிக நீண்ட சமையல் மாரத்தான் என்ற கின்னஸ் உலக சாதனையைப் படைத்ததோடு, பத்மஸ்ரீ விருதும் பெற்ற பெருமைக்குரியவர். அவரது மறைவு சமையல் கலைத் துறைக்குப் பேரிழப்பாகும். அவரை இழந்துவாடும் குடும்பத்தினருக்கும், உறவினர்களுக்கும், நண்பர்களுக்கும், சமையல் கலையை நேசிக்கும் ரசிகர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக் கொள்கிறேன்.

— CMOTamilNadu (@CMOTamilnadu) October 25, 2026

تمل ناڈو کے وزیراعلیٰ وجے نے معروف شیف کے انتقال پر گہرے رنج و غم کا اظہار کیا۔ انہوں نے سوشل میڈیا پلیٹ فارم ایکس پر شیف دامو کی تصویر شیئر کرتے ہوئے لکھا: ’’معروف ماہرِ فنِ طباخی شیف دامو کے نام سے مشہور جناب کے دامودھرن کے انتقال کی خبر سے مجھے گہرا صدمہ پہنچا ہے۔ انہوں نے اپنے پکوان کے فن اور منفرد انداز کے ذریعے ٹیلی ویژن پروگراموں کے توسط سے کھانا پکانے کے فن کو عام لوگوں تک پہنچایا۔ ۲۰۱۰ءمیں انہوں نے مسلسل سب سے طویل انفرادی کوکنگ میراتھن کا گنیز ورلڈ ریکارڈ قائم کیا تھا اور انہیں پدم شری اعزاز سے بھی نوازا گیا تھا۔ ان کا انتقال فنِ طباخی کے شعبے کیلئے ایک بڑا نقصان ہے۔ میں ان کے غم زدہ اہلِ خانہ، رشتہ داروں، دوستوں اور کھانا پکانے کے فن سے محبت کرنے والے تمام مداحوں سے دلی تعزیت کا اظہار کرتا ہوں اور اس مشکل گھڑی میں ان کیلئےصبر و سکون کی دعا کرتا ہوں۔ ‘‘