تعلیمی اصلاحات اور احتساب کے مطالبات پر جاری ’’سنسد چلو‘‘ مارچ کے دوران دہلی میں کشیدگی برقرار ہے، تاہم حکومت اور احتجاجی قیادت کے درمیان مذاکرات کا آغاز ہونے سے صورتحال نے نیا رخ اختیار کر لیا ہے۔ ادھر جنتر منتر اور پارلیمنٹ اسٹریٹ کے اطراف سخت سیکوریٹی، پولیس کارروائی، حراستوں اور احتجاجی سرگرمیوں کے باعث سیاسی ماحول مزید گرم ہو گیا ہے۔

پارلیمنٹ مارچ تاحال رکا، حکومت سے مذاکرات سے کوشش
پارلیمنٹ کی جانب نکالے جانے والا احتجاجی مارچ تاحال رکا ہوا ہے۔ اس دوران کاکروچ جنتا پارٹی کے ترجمانوں نے پیر کو بتایا کہ حکومت کی جانب سے رابطہ کئے جانے کے بعد وہ مرکزی وزیر جے پی نڈا سے ملاقات کیلئے روانہ ہو گئے ہیں۔ ادھر جنتر منتر پر پولیس نے مظاہرین کو منتشر کرنےکیلئے لاٹھی چارج کیا اور ہلکا زور استعمال کیا۔ یہ کارروائی اس وقت کی گئی جب مبینہ طور پر آزاد سماج پارٹی (کانشی رام) کے سربراہ چندرشیکھر آزاد کے قافلے کی آمد کے بعد ہجوم بے قابو ہو گیا، جبکہ اس سے قبل بعض افراد کی جانب سے پتھراؤ کئے جانے کا بھی الزام عائد کیا گیا۔ تاہم، ڈپٹی کمشنر آف پولیس سچن شرما نے اس دعوے کی تردید کرتے ہوئے کہا کہ اب تک دہلی پولیس کے ایک بھی اہلکار نے مظاہرین کے خلاف طاقت کا استعمال نہیں کیا ہے۔ جنتر منتر پر بھاری تعداد میں پولیس فورس تعینات ہے، جبکہ مظاہرین کا دعویٰ ہے کہ احتجاجی مقام پر انٹرنیٹ سروس بھی بند کر دی گئی ہے۔

जंतर-मंतर से लेकर संसद मार्ग तक पुलिस के कड़े इंतजाम और भारी बैरिकेडिंग प्रमाण है कि सत्ता युवाओं और आम जनता की मुखर आवाज़ से कितनी भयभीत है।

जब-जब युवा अपने अधिकारों, रोज़गार, और देश के संविधान को बचाने के लिए सड़कों पर उतरता है, तब-तब शासन दमन और खौफ का सहारा लेता है।

सरकार… pic.twitter.com/6wasxPHmxo

— Dheeraj Gurjar (@dgurjarofficial) July 20, 2026

سیکوریٹی فورسیز نے آنسو گیس کے شیل داغے
شاستری بھون کے قریب پیر کو اس وقت کشیدگی بڑھ گئی جب متعدد مظاہرین نے سیکوریٹی کی رکاوٹیں عبور کرکے جنتر منتر پہنچنے اور کاکروچ جنتا پارٹی (CJP) کے پارلیمنٹ مارچ میں شامل ہونے کی کوشش کی۔ ذرائع کے مطابق مظاہرین کو منتشر کرنے کیلئے سیکوریٹی فورسیز نے آنسو گیس کے شیل داغے، جس کے بعد علاقے میں صورتحال مزید کشیدہ ہوگئی۔ احتیاطی اقدام کے طور پر قریبی میٹرو اسٹیشنوں کے داخلی دروازے بند کر دیئے گئے اور رسائی محدود کر دی گئی، جس کے باعث متعدد مسافر اسٹیشنوں کے اندر ہی پھنس گئے۔ کسی بھی ممکنہ سیکوریٹی خلاف ورزی کو روکنے کیلئے وسطی دہلی میں پولیس اور نیم فوجی دستوں کی بھاری نفری بدستور تعینات رہی۔

Is this a war zone? Why is the police resorting to tear gas assault on peaceful protesters?

Sir @narendramodi have you decided we are no longer a democracy? First your govt ignored this protest for a month and now when we are peacefully marching your govt is attacking us. Why? pic.twitter.com/F52ELTr2Jp

— Cockroach is Back (@Cockroachisback) July 20, 2026

احتجاج کے دوران مرکزی وزیر تعلیم دھرمیندر پردھان کی امت شاہ سے ملاقات
 مرکزی وزیر تعلیم دھرمیندر پردھان نے پیر کو مرکزی وزیر داخلہ امت شاہ سے ملاقات کی۔ ہندوستان ٹائمز کی رپورٹ کے مطابق، اس معاملے سے واقف ذرائع نے بتایا کہ امت شاہ نے پارلیمنٹ ہاؤس کمپلیکس میں واقع اپنے دفتر میں دھرمیندر پردھان سے ملاقات کی۔ پی ٹی آئی کی رپورٹ کے مطابق، دونوں لیڈروں کے درمیان ہونے والی اس ملاقات کو جاری احتجاج کے تناظر میں اہم قرار دیا جا رہا ہے، تاہم ملاقات کی تفصیلات فوری طور پر سامنے نہیں آ سکیں۔

Delhi Police attacks students
Rains lathis on protesting students

Once again they resort to their old habits in the face of growing resistance to corruption under the Modi government pic.twitter.com/LcwaIbDtnh

— Neha (@neha_aisa) July 20, 2026

’’سنسد چلو‘‘ مارچ: سونم وانگچک نے پارلیمنٹ احتجاج میں شرکت کیلئے صفدر جنگ اسپتال سے ڈسچارج کی درخواست کی
سونم وانگچک نے صفدر جنگ اسپتال کے میڈیکل سپرنٹنڈنٹ کو خط لکھ کر اسپتال سے ڈسچارج کئے جانے کی اجازت طلب کی ہے تاکہ وہ پارلیمنٹ کی جانب نکالے جانے والے ’’سنسد چلو‘‘ مارچ میں شریک ہو سکیں۔ پیر (۲۰؍ جولائی) کی صبح اسپتال انتظامیہ کو دی گئی تحریری درخواست میں وانگچک نے کہا کہ ان کی صحت کے تمام اہم اشاریے اب مستحکم ہیں، اس لئے انہیں ڈسچارج کی اجازت دی جائے تاکہ وہ پارلیمنٹ کے مانسون اجلاس کے افتتاحی دن ہونے والے احتجاج میں شرکت کر سکیں۔

یہ بھی پڑھئے: سونم وانگچک کی بھوک ہڑتال پر مغربی میڈیا کی نظریں، تعلیمی بحران پر نئی بحث

مارچ کے منتظمین کا کہنا ہے کہ ان کا احتجاج مکمل طور پر پُرامن اور جمہوری نوعیت کا ہے، جس کا مقصد احتساب اور تعلیمی اصلاحات کا مطالبہ کرنا ہے۔ تاہم حکام نے واضح کیا ہے کہ پارلیمنٹ اسٹریٹ کے اطراف سیکوریٹی حصار توڑنے کی کسی بھی کوشش کو ہرگز برداشت نہیں کیا جائے گا۔ صفدر جنگ اسپتال کی انتظامیہ نے تاحال سونم وانگچک کی ڈسچارج درخواست پر کوئی عوامی بیان جاری نہیں کیا۔ اسپتال حکام کا کہنا ہے کہ صحت سے متعلق ضوابط اور حساس نوعیت کے حفاظتی تقاضوں کو مدنظر رکھتے ہوئے فیصلہ کیا جائے گا۔ پارلیمنٹ کے دونوں ایوانوں کے اجلاس شروع ہونے کے ساتھ ہی سب کی نظریں وسطی دہلی پر مرکوز ہیں، جہاں سخت پولیس بندوبست اور جمع ہوتے مظاہرین حکومت اور احتجاج کرنے والے گروپوں کے درمیان بڑھتی ہوئی کشیدگی کی نشاندہی کر رہے ہیں۔ 
دوسری جانب، آل انڈیا اسٹوڈنٹس اسوسی ایشن (AISA) کے تین عہدیداروں کی قیادت میں جنتر منتر پر جاری بھوک ہڑتال پیر کو باضابطہ طور پر ختم کر دی گئی۔ یہ فیصلہ اس وقت کیا گیا جب ممتاز سماجی شخصیات اور اپوزیشن ارکانِ پارلیمنٹ نے طلبہ لیڈروں سے ملاقات کر کے انہیں پانی پلا کر احتجاج ختم کروایا۔ 
ڈمپل یادو اور سنجے سنگھ کی شرکت

#WATCH | Delhi: Samajwadi Party MP Dimple Yadav says, "We want the students` voices to be heard, because the situation has now become intolerable. Across the country, whether it concerns farmers, the environment, or the youth, everyone is distressed, yet this government is… https://t.co/Z9DxRwJiQx pic.twitter.com/c56ZTEElAm

— ANI (@ANI) July 20, 2026

سماج وادی پارٹی کی رکنِ پارلیمان ڈمپل یادو اپنے ساتھی اراکین کے ہمراہ پارلیمنٹ سے جنتر منتر تک پیدل مارچ میں شریک ہوئیں اور طلبہ کے مطالبات کی حمایت کرتے ہوئے حکومت پر بات چیت سے گریز کا الزام عائد کیا۔ دوسری جانب عام آدمی پارٹی کے لیڈر سنجے سنگھ، منیش سسودیا اور آتشی بھی پولیس رکاوٹیں عبور کرکے احتجاجی مقام پہنچے اور مظاہرین سے اظہارِ یکجہتی کیا۔ اپوزیشن کی اس مشترکہ شرکت نے احتجاج کو مزید سیاسی اہمیت دے دی ہے۔