دیوالی بونس: درگا پوجا سے ٹھیک پہلے کول انڈیا کے ۲۰ء۲؍ لاکھ سے زیادہ ملازمین کو اچھی خبر ملی ہے۔ بونس جلد ادا کر دیئے جائیں گے۔

درگا پوجا سے ٹھیک پہلے، کول انڈیا کے۲۰ء۲؍ لاکھ سے زیادہ ملازمین کو اچھی خبر ملی ہے۔ بونس جلد ادا کر دیے جائیں گے۔ کمپنی انتظامیہ اور مزدور یونینوں کے درمیان طویل مذاکرات کے بعد، اس سال کے بونس (پرفارمنس لنکڈ انعام) پر ایک معاہدہ طے پا گیا ہے۔ تمام ملازمین کو۰۳ء۱؍  لاکھ کا بونس ملے گا اور یہ رقم  ان کے بینک کھاتوں میں منتقل کر دی جائے گی۔
پچھلے سال سے زیادہ بونس
 پچھلے سال، ملازمین کو۹۳۷۵۰؍ کا بونس ملا۔ اس سال کے بونس کی رقم تقریباً ۱۰؍ہزار زیادہ ہے۔ یہ اضافہ تہوار کے موسم میں کوئلے کے کارکنوں کے لیے ایک تحفہ ہے۔
معاہدہ کیسے ہوا 
اس سلسلے میں کولکاتا میں ایک میٹنگ ہوئی۔ ابتدائی طور پر انتظامیہ نے۹۸۵۰۰؍ ادا کرنے پر اصرار کیا  جبکہ یونینوں نے۲۵ء۱؍ لاکھ کا مطالبہ کیا۔ نیشنل فیڈریشن آف مائنز ورکرز نے احتجاجاً اجلاس سے واک آؤٹ بھی کیا۔ بالآخر ۰۳ء۱؍ لاکھ پر ایک معاہدہ طے پایا۔ انتظامیہ نے دلیل دی کہ کمپنی کی مالی صورتحال ابھی تک مکمل طور پر مستحکم نہیں ہے، اس لیے بڑے بونس کی پیشکش مستقبل میں مسائل کا باعث بن سکتی ہے۔
کن کمپنیوں کے ملازمین کو فائدہ ہوگا؟
 یہ بونس کول انڈیا کے مختلف ذیلی اداروں کے ملازمین میں تقسیم کیا جائے گا۔ ان میں بی سی سی ایل، سی سی ایل، ای سی ایل، سی ایم پی ڈی، ایم سی ایل، این سی ایل  اور ایس ای سی ایل   شامل ہیں۔ صرف جھارکھنڈ میں ملازمین میں تقریباً۸۰۰؍ کروڑ روپے تقسیم کیے جائیں گے۔ اس میں سے۳۲۰؍ کروڑبی سی سی ایل اور ۳۱۰؍ سی سی ایل ۳۱۰؍کروڑ  کو جائیں گے۔