کانگریس کے جنرل سیکریٹری جے رام رمیش نے تین ریاستوں میں اسمبلی انتخابات جیتنے کے ۳؍ دن بعد بھی بی جے پی کو وزیر اعلیٰ کا انتخاب نہ کرنے پر تنقید کا نشانہ بنایا۔ انہوں نے اپنے ایکس پوسٹ میں لکھا کہ کانگریس نے تلنگانہ میں اپنے وزیر اعلیٰ کا انتخاب کر لیا اور آج وہ حلف لیں گے لیکن تین دن بعد بھی بی جے پی تین ریاستوں میں وزیر اعلیٰ کا انتخاب نہیں کر سکی ہے۔

کانگریس نے تین ریاستوں کے اسمبلی انتخابات جیتنے کے بعد وزرائے اعلیٰ کا انتخاب نہ کرنے پر بی جے پی کو نشانہ بناتے ہوئے کہا کہ پارٹی یہ کیوں نہیں بتاتی کہ اصل میں تاخیر کیوں کی جا رہی ہے؟ اس ضمن میں کانگریس کے جنرل سیکریٹری جے رام رمیش نے اپنے ایکس پوسٹ میں لکھا کہ اسمبلی انتخابات کے نتائج آنے کے بعد ۲۴؍ گھنٹے سےپہلے ہی شکست کا سامنا کرنے اور تلنگانہ میں وزیر اعلیٰ کا انتخاب نہ کرنے پر ان کی پارٹی کو نشانہ بنایا جا رہا تھا۔ 

Less than 24 hours after the election results were out on December 3rd, the Congress party was being criticised in the media by all and sundry for a so-called ‘delay’ in appointing a CM for Telangana. Well, our CM was announced day before and is taking over at 1pm today.

But 3…

— Jairam Ramesh (@Jairam_Ramesh) December 7, 2023

انہوں نے بی جے پی کے اب تک وزیر اعلیٰ کا انتخاب نہ کرنے کے تعلق سے کہا کہ ہم نے تو اپنے وزیر اعلیٰ کا انتخاب کر لیا اور آج ایک بجے وہ حلف بھی لیں گے لیکن تین دن بعد بھی بی جے پی تین ریاستوں، چھتیس گڑھ، مدھیہ پردیش اور راجستھان، میں اپنے وزیر اعلیٰ کا انتخاب نہیں کر سکی۔ بی جے پی یہ کیوں نہیں بتاتی کہ آخر تاخیر کس لئے کی جا رہی ہے؟

یہ بھی پڑھئے: تلنگانہ میں آج ریونت ریڈی کی حلف برداری ، تمام تیاریاں مکمل ، میزورم میں کل

خیال رہے کہ بی جے پی نے مدھیہ پردیش، راجستھان اور چھتیس گڑھ کے اسمبلی انتخابات جیت لئے ہیں جبکہ کانگریس کو صرف تلنگانہ میںہی فتح حاصل ہوئی ہے۔ تاہم ، تلنگانہ میں کانگریس نے جگن موہن ریڈی کو بطور نیا وزیر اعلیٰ منتخب کیاہے۔