بی جے پی لیڈر للو سنگھ کے مبینہ ویڈیو جس میں انہوں نے آئین میں ترمیم کیلئے دو تہائی اکثریت کی بات کہی ہے، نے ایک نیا تنازع کھڑا کر دیا ہے۔ واضح رہے کہ ان کا یہ بیان مو دی کےحزب اختلاف کے بی جے پی کے ذریعے آئین میں ترمیم کے الزامات کی تردید کے بعد آیا۔ للو سنگھ نے اسے میری ’’زبان پھسل گئی‘‘ قرار دیا۔

بی جے پی لیڈر للو سنگھ کے مبینہ تبصرہ کے بعد ایک تنازع کھڑا ہو گیا ہے جس میں انہوں نے کہا تھا کہ آئین میں ترمیم کیلئے لوک سبھا میں دو تہائی اکثریت کی ضرورت ہے۔ ایودھیا کے ملکی پور میں ہونے والے ایک پروگرام کے ایک ویڈیو میں مبینہ تبصروں پر حزب اختلاف لیڈروں نے شدید تنقید کی ہے۔ ٹائمز آف انڈیا کی ایک رپورٹ کے مطابق اتر پردیش کے فیض آباد حلقے سے بی جے پی کے رکن اسمبلی سنگھ کو ویڈیو میں یہ کہتے ہوئے سنا جا سکتا ہے کہ آئین میں ترمیم کرکے نیا آئین بنانےکیلئے ہمیں د و تہائی اکثریت سے زیادہ کی ضرورت ہے۔ 

"सरकार बनाने के लिए 272 सांसद चाहिए..."

◆ अयोध्या से बीजेपी उम्मीदवार लल्लू सिंह ने कहा #Ayodhya | #LalluSingh | Lallu Singh pic.twitter.com/nrJJJ2KUjZ

— News24 (@news24tvchannel) April 14, 2024

کانگریس لیڈر پون کھیڑا نے سوشل میڈیا پر ویڈیو شیئر کرتے ہوئے سنگھ کے مبینہ ریمارکس کی مذمت کی اور سوال کیا کہ کیا وزیر اعظم نریندر مودی اس طرح کے خیالات کی تائید کریں گے۔ اسی طرح سماج وادی پارٹی کے لیڈر اکھلیش یادو نے الیکشن کمیشن پر زور دیا کہ وہ سنگھ کے خلاف کارروائی کرے۔ چو طرفہ تنقید کے بعد سنگھ نے کہا کہ ان کی ’’زبان پھسل گئی‘‘ تھی اور انہوں ملک کی فلاح و بہبود کیلئے اپنی وابستگی کا اعادہ کیا۔ 
 اس سے قبل، بی جے پی ایم پی اننت کمار ہیگڑے اور لوک سبھا انتخابی امیدوار جیوتی مردھا نے بھی اسی طرح کےتبصرہ کے ذرریعے تنازع کھڑا کر دیا تھا جس میں آئین میں تبدیلی کیلئے دو تہائی اکثریت کا مطالبہ کیا گیا تھا۔ وا ضح رہے کہ سنگھ کا یہ تبصرہ وزیر اعظم مودی کی جانب سے اپوزیشن انڈیا بلاک کے ان دعوؤں کو مسترد کرنے کے بعد آیا ہے کہ بی جے پی کی قیادت والی حکومت کے تحت آئین میں تبدیلی کی جائے گی۔ مودی نے اس طرح کے دعوؤں کو اپوزیشن اتحاد کے اندر نئے خیالات کی کمی کا اشارہ قرار دیا تھا۔