]ووکہارٹ اسپتال ممبئی سینٹرل نے ڈاونچی ایکس روبوٹک سرجیکل سسٹم متعارف کرایا ہےجس سے اسپتال میں جدید روبوٹ کی مدد سے سرجری کی سہولت میں اضافہ ہوگا۔ اس ٹیکنالوجی میں ہائی ڈیفینیشن تھری ڈی ویژولائزیشن، کلائی کی طرح حرکت کرنے والے آلات اور سرجن کے کنٹرول سے چلنے والے روبوٹک بازو شامل ہیں جو چھوٹے چیروں کے ذریعے زیادہ درستگی کے ساتھ آپریشن کرنے میں مدد دیتے ہیں۔

]ووکہارٹ اسپتال ممبئی سینٹرل نے ڈاونچی ایکس روبوٹک سرجیکل سسٹم متعارف کرایا ہےجس سے اسپتال میں جدید روبوٹ کی مدد سے سرجری کی سہولت میں اضافہ ہوگا۔ اس ٹیکنالوجی میں ہائی ڈیفینیشن تھری ڈی ویژولائزیشن، کلائی کی طرح حرکت کرنے والے آلات اور سرجن کے کنٹرول سے چلنے والے روبوٹک بازو شامل ہیں جو چھوٹے چیروں کے ذریعے زیادہ درستگی کے ساتھ آپریشن کرنے میں مدد دیتے ہیں۔ یہ نظام خود کام نہیں کرتا بلکہ پورے آپریشن کے دوران سرجن ہی اسے کنٹرول کرتا ہے۔اس ٹیکنالوجی کا استعمال یورولوجی، امراضِ نسواں، معدے اور سینے کی سرجری سمیت مختلف شعبوں میں منتخب آپریشنز کے لئے کیا جا سکتا ہے۔ کم چیرا لگانے والے اس طریقۂ علاج سے مریضوں کو کم خون بہنے، آپریشن کے بعد درد میں کمی اور جلد صحت یابی جیسے فوائد حاصل ہو سکتے ہیں۔ تاہم یہ فوائد آپریشن کی نوعیت اور مریض کی انفرادی حالت پر منحصر ہیں۔

ووکہارٹ اسپتال کے ریجنل بزنس ہیڈ اور گروپ ہیڈ انٹرنیشنل بزنس ڈاکٹر ویریندر چوہان نے کہا کہ روبوٹ کی مدد سے سرجری، کم چیرا لگانے والے آپریشنز کے شعبے میں ایک اہم پیش رفت ہے۔ ڈا ونچی ایکس کے ذریعے سرجنوں کو بہتر انداز میں دیکھنے اور پیچیدہ آپریشنز کے دوران زیادہ درستگی سے آلات استعمال کرنے میں مدد ملے گی۔

یہ بھی پڑھئے: ہندوستان میں مبینہ ووٹ چوری کے خلاف دھرو راٹھی کا لندن میں احتجاج کا اعلان

انہوں نے واضح کیا کہ یہ ٹیکنالوجی سرجن کی مہارت کی جگہ نہیں لیتی بلکہ اس کی صلاحیت اور کنٹرول میں اضافہ کرتی ہے۔

ووکہارٹ اسپتال کی منیجنگ ڈائریکٹر ذہبیہ خوراکی والا نے کہا کہ ممبئی سینٹرل میں ڈا ونچی ایکس کا آغاز جدید سرجیکل ٹیکنالوجی مریضوں اور طبی ٹیموں تک پہنچانے کے اسپتال کے عزم کی عکاسی کرتا ہے۔ اس اقدام کا مقصد تجربہ کار ڈاکٹروں کو جدید سہولتیں فراہم کرنا ہے، تاکہ مریضوں کی بہتر نگہداشت کو ترجیح دیتے ہوئے سرجری کے امکانات کو وسعت دی جا سکے۔اس نظام کے آغاز سے اسپتال میں جدید سرجیکل سہولتوں، ٹیکنالوجی پر مبنی علاج اور مختلف طبی شعبوں کے ماہرین کی مشترکہ مہارت کو مزید تقویت ملے گی۔