پریس کلب آف انڈیا سمیت متعدد صحافتی تنظیموں نے دہلی کے ساکیت تھانے میں آزاد صحافی شاہین خان اور نفیسہ خان کے ساتھ مبینہ پولیس تشدد کی شدید مذمت کرتے ہوئے ملوث اہلکاروں کے خلاف سخت کارروائی کا مطالبہ کیا ہے۔ صحافتی تنظیموں کے مطابق دونوں صحافی میکس اسپتال کے ایک نئے ونگ کی افتتاحی تقریب کی کوریج کیلئے ساکیت گئی تھیں، جہاں مرکزی وزیر داخلہ امیت شاہ اور دہلی کی وزیراعلیٰ ریکھا گپتا بھی موجود تھیں۔

پریس کلب آف انڈیا سمیت متعدد صحافتی تنظیموں نے دہلی پولیس کے اہلکاروں کی جانب سے آزاد صحافیوں شاہین خان اور نفیسہ خان پر ساکیت تھانے میں کئے گئے مبینہ تشدد کی سخت الفاظ میں مذمت کی ہے اور ملوث پولیس افسران کے خلاف سخت کارروائی کا مطالبہ بھی کیا ہے۔ دونوں صحافی جمعرات کو ساکیت میں واقع میکس ہسپتال کے ایک نئے ونگ کی افتتاحی تقریب کی کوریج کر رہی تھیں، جہاں مرکزی وزیرِ داخلہ امیت شاہ اور دہلی کی وزیراعلیٰ ریکھا گپتا موجود تھیں۔ پریس کلب آف انڈیا، انڈین ویمنز پریس کور، دہلی یونین آف جرنلسٹس، پریس ایسوسی ایشن اور کیرالہ یونین آف ورکنگ جرنلسٹس کی جانب سے جاری کردہ ایک مشترکہ بیان میں کہا گیا ہے کہ ساکیت تھانے کے پولیس اہلکاروں کے ایک گروہ نے پہلے دونوں صحافیوں کے ساتھ بدتمیزی اور دھکا مکی کی پھر انہیں زبردستی گاڑی میں گھسیٹ کرپولیس تھانے لے گئے۔

Journalists Allegedly Detained, Assaulted by #DelhiPolice While Covering Story

​Two independent Muslim journalists with 4 PM News Network, Shaheen Khan and Nafisa, allege #Delhi Police detained and assaulted them in South Delhi on Thursday while reporting. Khan states the… pic.twitter.com/kwv3umeyBD

— Siraj Noorani (@sirajnoorani) September 3, 2026

 تنظیموں نے الزام لگایا کہ تھانے پہنچنے کے بعد اسٹیشن ہاؤس آفیسر (SHO) نے پولیس اہلکاروں کو ہدایت دی کہ انہیں ایک کمرے میں لے جایا جائے، جہاں خاتون پولیس اہلکاروں نے بھی شامل ہو کر شاہین اور نفیسہ کو بے رحمی سے پیٹا۔ اس معاملے میں ۴؍ پی ایم نیوز نیٹ ورک نے سوشل میڈیا پلیٹ فارم ایکس پر ایک پوسٹ کے ذریعے بتایا کہ شاہین ان کی رپورٹر ہیں اور وہ دہلی کی وزیراعلیٰ ریکھا گپتا سے سوالات پوچھنے کی کوشش کر رہی تھیں۔ نیوز نیٹ ورک نے واقعے کی غیر جانبدارانہ تحقیقات کا مطالبہ کرتے ہوئے کہا کہ جائے وقوعہ اور تھانے کی تمام سی سی ٹی وی فوٹیج کو فوری طور پر تحویل میں لیا جائے اور اگر کسی پولیس اہلکار نے شاہین کی مذہبی شناخت کی بنیاد پر ان کے ساتھ بدسلوکی یا تشدد کیا ہے تو اس کے خلاف سخت ترین اقدام کیا جائے۔

Journalists Allegedly Detained, Assaulted by #DelhiPolice While Covering Story

​Two independent Muslim journalists with 4 PM News Network, Shaheen Khan and Nafisa, allege #Delhi Police detained and assaulted them in South Delhi on Thursday while reporting. Khan states the… pic.twitter.com/kwv3umeyBD

— Siraj Noorani (@sirajnoorani) September 3, 2026

پریس کلب کے بیان میں یہ بھی کہا گیا ہے کہ پولیس اہلکاروں نے مبینہ طور پر صحافیوں کی مذہبی شناخت معلوم کرنے کی کوشش کی اور مذہبی نوعیت کی گالیاں دیتے ہوئے تشدد کو مزید بڑھا دیا۔ اس کے علاوہ دونوں صحافیوں کو مقدمات (FIR) درج کرنے کی دھمکیاں بھی دی گئیں۔ سوشل میڈیا پر وائرل ہونے والے ویڈیوز میں دونوں صحافیوں کے جسم پر تشدد اور چوٹوں کے نشانات واضح طور پر دیکھے جا سکتے ہیں۔ ان صحافتی تنظیموں نے دہلی کے پولیس کمشنر انوراگ کمار سے مطالبہ کیا ہے کہ وہ تشدد میں ملوث پولیس اہلکاروں کے خلاف آزادانہ اور منصفانہ تحقیقات کا حکم دیں۔ جبکہ پریس کونسل آف انڈیا سے اپیل کی ہے کہ وہ اس واقعے کا از خود نوٹس لیتے ہوئے ایک غیر جانبدارانہ انکوائری کرائے۔