دہلی کے وزیر ماحولیات گوپال رائے نےآج پریس کانفرنس میں اعلان کیا ہے کہ دہلی کی آلودہ ہوا سے مقابلہ کرنے کیلئے حکومت نے ’’طاق جفت اسکیم‘‘ نافذ کرنے کا فیصلہ کیا ہے جو ۱۳؍ تا ۲۰؍ نومبر نافذ ہوگی۔ ۲۰؍ نومبر کو اسکیم میں توسیع کے تعلق سے فیصلہ کیا جائے گا۔ حکو مت نے بچوں کی صحت کو مدنظر رکھتے ہوئے کلاسیز کو منسوخ کرنے کا فیصلہ کیا ہے۔ تاہم ، دسویں اور بارہویں جماعتوں کے طلبہ کی کلاسیز منسوخ نہیں ہوں گی۔

دہلی کے وزیر ماحولیات گوپال رائے نے آج پریس کانفرنس کے درمیان اعلان کیا ہے کہ دہلی میں آلودہ ہوا سے مقابلہ کرنے کیلئے ۱۳؍ تا ۲۰؍ نومبر تک ’’کاروں کیلئے طاق اور جفت اسکیم ‘‘ نافذ کی جائے گی۔انہوں نے پریس کانفرنس کے درمیان اعلان کرتے ہئوے کہا کہ دہلی کی آلودہ ہوا کومد نظر رکھتے ہوئے حکومت نے دیوالی کے بعد ۱۳؍تا ۲۰؍ نومبر تک گاڑیوں کیلئے طاق اور جفت اسکیم نافذ کرنےکا فیصلہ کیا ہے۔ ۲۰؍ نومبرکے بعد اسکیم میں توسیع کے تعلق سے فیصلہ کیا جائے گا۔تاہم تب تک جفت اور طاق نمبر پلیٹوں کے حساب سے گاڑیاںسڑکوںپر دورڑیں گی۔

Hon`ble Environment Minister @AapKaGopalRai Addressing an Important Press Conference | LIVE https://t.co/s5I5cVtPXY

— Aam Aadmi Party Delhi (@AAPDelhi) November 6, 2023

انہوں نے راجدھانی میں اسکولوں کے نظام کے تعلق سے کہا کہ حکومت نے اسکو لوں میں بچوں کی صحت کومد نظر رکھتے ہوئےفیصلہ کیا ہے کہ ہر جماعت کیلئے کلاسیس بند کرنے کا فیصلہ کیا ہے۔ تاہم ، دسویں اور بارہویں جماعت کے طلبہ کیلئے پڑھائی کا سلسلہ ویسے ہی جاری رہےگا کیونکہ وہ بورڈ کے امتحانات کی تیاری کر رہے ہیں۔

یہ بھی پڑھئے: بی جے پی کی اروند کیجریوال پر تنقید، کہا کہ دہلی گیس چیمبر بن گیا ہے

خیال رہے کہ دہلی کی ہوا مسلسل آلودہ ہوتی جا رہی ہے۔ دہلی این سی آر میں پیر کو آلودگی کی سطح حکومت کی جانب سے طے کی گئی سطح سے ۷؍ سے ۸؍ گنا زیادہ درج کی گئی تھی ۔