فلم ’’کل‘‘ کے ہدایتکار نکھل ناگیش بھٹ ہالی ووڈ کی سپر ہیرو فلم کی ہدایتکاری کریں گے۔ یاد رہے کہ نکھل ناگیش بھٹ کی فلم ’’کل‘‘نے نہ صرف مقامی باکس جبکہ عالمی باکس آفس پر شہرت حاصل کی تھی۔

فلمساز نکھل ناگیش بھٹ نے ۲۰۰۹ءکی فل ’’سالون‘‘ کے ذریعےاپنے ہدایتکاری کے کریئر کی شروعات کی تھی۔ بعد ازیں انہوں نے ’’بریج موہن امر رہے‘‘ (۲۰۱۸ء)، ’’ہردنگ‘‘ (۲۰۲۲ء)، ’’اپروا‘‘ (۲۰۲۳ء )اور دیگر فلموں کی ہدایتکاری کی ۔ انہوں نے ویب اسٹوری ’’ رس بھری‘‘ (۲۰۲۰ء) اور ’’دی گون گیم‘‘ (۲۰۲۰ء)کو بھی ڈائریکٹ کیا تھا۔ تاہم، انہیں اپنی فلم ’’کل‘‘ کے ذریعے شہرت ملی جس میں لکشیا اور راگھو جویال نے کلیدی کردار نبھائے ہیں۔نہ صرف ہندوستان بلکہ دنیا بھر کے فلمسازوں نے اس فلم کو سراہا۔ یہاں تک کہ ہالی ووڈ پروڈکشن ہاؤس ۸۷؍ نارتھ پروڈکشنس ، جس کی ملکیت جون وک کے پاس ہے، نے بھی ’’کل‘‘کا ری میک بنانے کیلئے اس کے حقوق حاصل کئے۔

یہ بھی پڑھئے: ۲۰۲۵ء کے چار ماہ: ہندی سنیما نے ایک ہزار کروڑ روپے سے زائد کا کاروبار کیا

اس درمیان یہ رپورٹس سامنے آئی ہیں کہ نکھل ناگیش بھٹ ہالی ووڈ کی زیادہ بجٹ والی سپر ہیرو فلم کی ہدایتکاری کریں گے جسے یونیورسل اسٹوڈیو پروڈیوس کرے گا جو ’’فاسٹ اینڈفیوریس اینڈ دی انکریڈیبل ہک‘‘ جیسی فلموں کیلئے جانے جاتے ہیں۔ پیپنگ مون کی رپورٹ میں دعویٰ کیا گیا ہے کہ ’’اب تک یہ واضح نہیں ہے کہ معاہدے کے کاغذات پر دستخط کر لئے گئے ہیں یانہیں لیکن نکھل ناگیش بھٹ کی جگہ پر ہالی ووڈ ٹیلنٹ ایجنسی (ڈبلیو ڈبلیو ای) سے مذاکرات جاری ہیں۔یہ ہندوستانی سنیما کیلئے قابل فخر ہے کہ ہالی ووڈکی سپر ہیرو فلم کی ہدایتکاری ایک ہندوستانی فلمساز انجام دیں گے ۔ اس معاہدے کو پایہ ٔتکمیل تک پہنچنے میں وقت درکار ہوگا۔ اس فلم کی ہدایتکاری کرنے کے بعد نکھل ناگیش بھٹ کا شمار شیکھر کپور، رتیش بترا اور ودھو ونود چوپڑا کی طرح بین الاقوامی شہرت یافتہ ہدایتکاروں میں ہوگا۔ ‘‘

کچھ ’’کل‘‘ کے بارے میں 
فلم ’’کل‘‘ کوگنیت مونگانے پروڈیوس کیا ہے جبکہ اس فلم میں لکشیا اور راگھو جویال نے کلیدی کردار ادا کئے ہیں۔ اس فلم کو ۴۷ء ۱۲؍ کروڑ روپے کے بجٹ سے بنایا گیا ہے۔ یہ فلم باکس آفس پر کامیاب ثابت ہوئی تھی۔ فی الحال یہ فلم جیو ہاٹ اسٹار پر دیکھی جاسکتی ہے۔