امریکی صدر نے کہا کہ دونوں میرے دوست ہیں، میں دونوں کو اچھے سے جانتا ہوں، ان کی مدد کیلئے تیار ہوں۔

امریکی صدر ڈونالڈ ٹرمپ نے پاکستان اورہندوستان کے درمیان امن کے قیام میں مدد کی پیشکش کی ہے۔ انہوں نے کہا کہ اگر دونوں ممالک کو ثالثی کی ضرورت ہو تو وہ تیار ہیں۔ ڈونالڈ ٹرمپ نے پاکستان اور بھارت کے درمیان جاری کشیدگی سے متعلق بیان دیتے ہوئے دونوں ممالک پر زور دیا ہے کہ وہ فوری طور پر تحمل سے کام لیں اور حالات کو مزید خراب ہونے سے روکیں۔ 
  امریکی صدرنے کہا پاک فضائیہ نے اگر ہندوستانی طیارے گرائے ہیں تو انڈین ایئرفورس کا بھاری نقصان ہے۔ وہائٹ ہاؤس میں میڈیا سے گفتگو کرتے ہوئے امریکی صدر نے کہا کہ میرا مؤقف یہ ہے کہ میں دونوں کے ساتھ اچھے تعلقات رکھتا ہوں۔ میں دونوں کو اچھی طرح جانتا ہوں اور چاہتا ہوں کہ وہ خود معاملے کو سلجھائیں، یہ صورت حال واقعی بہت خطرناک ہے۔ 
 ڈونالڈ ٹرمپ نے کہا کہ ہندوستان اور ایک دوسرے کو جواب دے رہے ہیں، اور امید ہے کہ اب وہ رک جائیں گے۔ امریکی صدر نے یہ بھی کہا کہ میری مدد کی ضرورت پڑی تو اس کیلئے میں موجود ہوں۔ یاد رہے کہ ہندوستان نے آپریشن سیندور کے تحت پاکستان میں دہشت گردوں کے کیمپ کو نشانہ بنایا ہے۔