۸۳؍فیصد سےامتیازی کامیابی حاصل کی، آل انڈیا آیوش پوسٹ گریجویشن انٹری ٹیسٹ کی تیاری میں مصروف۔

رتناگیری ضلع کے کڈوئی تعلقہ کی ہونہار طالبہ ڈاکٹر وفاشاہداحمد تلوے نےممبئی سے پوسٹ گریجویشن ڈپلوما اِن ایمرجنسی میڈیسن(پی جی ڈی ای ایم ایس) کے فائنل ائیر کےامتحان میں ۸۳؍فیصد سےامیتازی کامیابی حاصل کی،ساتھ ہی ایمرجنسی کیئر اسسٹنٹ کے امتحان میں بھی ۹۱؍فیصد مارکس کئےہیں۔وہ فی الحال آل انڈیا آیوش پوسٹ گریجویشن انٹری ٹیسٹ کی تیاری کر رہی ہیں۔  ڈاکٹروفاتلوےنے کڈوئی کے مہاراشٹر اُردو ہائی اسکول اینڈجونیئر کالج سے ۲۰۱۶ءمیں ۹۳؍فیصد مارکس سے ایس ایس سی میں کامیابی حاصل کی تھی۔ اُردومیں ۱۰۰؍میں ۹۶؍ مارکس حاصل کرکے وہ مضمون ٹاپر بھی رہیں۔

یہ بھی پڑھئے:منموہن دیسائی نے مسالا فلموں کا سلسلہ شروع کیا تھا

۲۰۱۸ءمیں اے ای کالسیکر جونیئر کالج آف سائنس، کڈوئی سے ۶۸؍ فیصد نمبرات سے ایچ ایس سی امتحان پاس کرنے کے بعد۲۰۱۹ءمیںڈاکٹر محمد اسحاق جمخانہ والا یونانی میڈیکل کالج ،ورسوا ، اندھیری میں بیچلر آف یونانی میڈیسن اینڈسرجری میں داخلہ لیا۔ ۲۰۲۵ءمیں۸۱؍فیصد سے فائنل ائیر کاامتحان پاس کیا،بعدازیں ایک سال کا انٹرن شپ مکمل کیا ۔ ڈاکٹر بننےکےبعدبھی انہوںنے پڑھائی کا سلسلہ جاری رکھا ۔ جنوری ۲۰۲۵ءمیںانہوںنے ہومیو بھابھا اسٹیٹ یونیورسٹی، ممبئی کے تحت لائف سپورٹرز انسٹی ٹیوٹ آف ہیلتھ سائنس، اندھیری، ممبئی میں پی جی ڈی ای ایم ایس میں داخلہ لیا اور جنوری ۲۰۲۶ء میں ۸۳؍فیصدسے ا س امتحان میں پاس ہوئیں ۔انہیں انسٹی ٹیوٹ ٹاپر کااعزاز بھی حاصل ہے۔اسی ادارے سے ایمرجنسی کیئر اسسٹنٹ کا امتحان بھی ۹۱؍ فیصد سےکلیئر کیاہے۔

یہ بھی پڑھئے:امدادی تنظیموں کی اسرائیلی عدالت سے فلسطین میں کام پر پابندی ختم کرنے کی اپیل