مرکزی وزیر خزانہ نرملا سیتا رمن نے  کہا کہ ہندوستان کی سب سے بڑی اقتصادی ترجیح صرف ترقی نہیں ہے بلکہ اس بات کو یقینی بنانا ہے کہ یہ ترقی سب کے لیے فائدہ مند، جامع اور دیرپا ہو۔

مرکزی وزیر خزانہ نرملا سیتا رمن نے  کہا کہ ہندوستان کی سب سے بڑی اقتصادی ترجیح صرف ترقی نہیں ہے بلکہ اس بات کو یقینی بنانا ہے کہ یہ ترقی سب کے لیے فائدہ مند، جامع اور دیرپا ہو۔ انہوں نے عالمی اور گھریلو اقتصادی تبدیلیوں کے درمیان ہندوستان کو تیزی سے اپنانے کی ضرورت پر زور دیا۔ سیتا رمن نئی دہلی میں انڈیا انٹرنیشنل سینٹر میں ایک کتاب `اے ورلڈ ان فلوکس: انڈیا کی اقتصادی ترجیحات کے اجراء کے موقع پر بول رہی تھیں۔ یہ کتاب معروف ماہر اقتصادیات شنکر اچاریہ کو وقف ہے اور پروفیسر امیتا بترا اور صحافی اے کے بھٹاچاریہ نے اس کی تدوین کی ہے۔
 وزیر خزانہ نے کہا کہ آج کا عالمی ماحول تیزی سے تبدیل ہو رہا ہے۔ انہوں نے کتاب کے عنوان `اے ورلڈ ان فلوکس کو موجودہ دور کی درست عکاسی قرار دیا۔ انہوں نے کہاکہ ’’اداروں کو جو پہلے مستحکم اور موثر سمجھے جاتے تھے، خاص طور پر کثیر الجہتی ادارے، اب غیر یقینی کے مرحلے میں ہیں۔ یہ صرف مالیاتی اداروں کے بارے میں نہیں بلکہ اسٹریٹجک اداروں کا بھی ہے۔‘‘ سیتا رمن نے ہندوستان سے اپیل کی کہ وہ اس بدلتے ہوئے ماحول میں نہ صرف حصہ لے بلکہ فعال کردار ادا کریں۔ ایک استعارہ کا استعمال کرتے ہوئے انہوں نے کہاکہ ’’کیا آپ ایک جامد ٹکڑا بننا پسند کریں گے یا متحرک؟ آپ کو اپنے ٹکڑے کی شکل کو بار بار تبدیل کرنا ہوگا۔‘‘