ایلون مسک کی والدہ کا کہنا ہے کہ مسک۳؍سال کی عمرسے نہایت ذہین تھا، انہوں نے بتایا کہ جب وہ اسٹار بیس کا دورہ کرتی ہیں تو وہ ایلون مسک کے گیراج میں سوتی ہیں، وہ جلد ہی۷۰؍ کی دہائی میں ماڈلنگ میں اپنی واپسی کے بارے میں ایک یادداشت جاری کریں گی۔

ایلون مسک کی والدہ مایے مسک کا کہنا ہے کہ جب وہ اسٹار بیس، جو بوکا چیکا، ٹیکساس میں اسپیس ایکس کی راکٹ ڈیولپمنٹ اور لانچ سائٹ ہے، میں ہوتی ہیں تو وہ گیراج میں سوتی ہیں۔ اس کی وجہ بتاتے ہوئے وہ کہتی ہیں، ’’راکٹ سائٹ کے قریب آپ کا شاندار گھر نہیں ہو سکتا۔‘‘ اپنی نئی کتاب کی ریلیز سے قبل نیویارک پوسٹ کے ساتھ ایک انٹرویو میں، انہوں نے کہا کہ صوفہ یا فرش پر گدا ان کے لیے اچھا ہے۔ لوگ اس کے بارے میں کئی سالوں سے جانتے ہیں۔۲۰۲۲ء میں، مسک نے سوشل میڈیا پر مذاق کرتے ہوئے کہا تھا، ’’میں نے اس جگہ کے ساتھ بہت کچھ کیا ہے۔‘‘مسک کی بوکا چیکا میں کوئی شاندار، پرتعیش رہائش گاہ بھی نہیں ہے۔ مبینہ طور پر وہ تقریباً۵۰؍ ہزار ڈالر مالیت کے ایک چھوٹے، پہلے سے تیار شدہ گھر میں رہتے ہیں، جو وہ براہ راست اسپیس ایکس سے کرائے پر لیتے ہیں۔بعد ازاں انہوں نے اسپیس ایکس اور مریخ پر کالونی بسانے کے لیے اپنی زیادہ تر ذاتی جائیداد اور املاک بیچنے کا عوامی طور پر عہد کیا ہے۔

یہ بھی پڑھئے: برطانیہ غزہ میں بچوں کے قتل پر اب مزید خاموش نہیں رہے گا: فرسٹ سیکرٹری آف اسٹیٹ

دریں اثناء انہوں نے عوامی طور پر اعلان کیا ہے کہ وہ اپنے آپ کو ’’مریخ اور زمین‘‘ کے لیے وقف کرنے کے لیے اپنی تمام مادی املاک ترک کر رہے ہیں۔ انہوں نے اس بارے میں بھی بات کی ہے کہ جب وہ ٹیسلا آپریشنز کے لیے سان فرانسسکو بے ایریا میں تھے تو وہ اپنے دوستوں کے ساتھ رہتے تھے۔
مایے مسک بھی اس طرح کی زندگی کی عادی ہیں اور صوفہ سرفنگ کرتی رہی ہیں۔ وہ اپنی کتاب ’’ٹائم لیس: دی آرٹ آف ری انوینشن اینڈ ریزیلینس ایٹ اینی ایج‘‘ میں اپنی زندگی کی تفصیلات بیان کرتی ہیں۔ وہ اس یادداشت میں ستر سال کی عمر میں ماڈلنگ میں اپنی واپسی کے بارے میں بات کرتی ہیں۔ ذہن نشین رہے کہ مایے مسک۷۴؍ سال کی عمر میں اسپورٹس السٹریٹڈ کے سوئم سوٹ ایڈیشن کے سرورق پر آنے والی سب سے معمر خاتون بن گئیں۔انہوں نے اپنے شوہر ایرول مسک سے علیحدگی اختیار کر لی اور تین بچوں کی پرورش ایک اکیلی ماں کے طور پر کی۔ کمبل،۵۳؍ سالہ، جو ایک تاجر اور ریستوراں مالک ہیں اور ٹیسلا اور اسپیس ایکس کے بورڈ میں ہیں، اور ٹوسکا،۵۲؍ سالہ، ایک فلم ساز ہیں جن کی اپنی اسٹریمنگ کمپنی ہے۔

یہ بھی پڑھئے: میکلمور کی حمایت میں ایڈ شیران کے چاروں اوپنرز نے دورہ چھوڑ دیا

مایے نے۵۰؍ سال کی عمر میں نیویارک جانے کا فیصلہ کیا، کیونکہ انہیں یہاں کی تیز رفتار زندگی پسند تھی اور اس سے انہیں ماڈلنگ کو ترجیح دینے میں بھی مدد ملی۔ وہ فی الحال ایک ماڈل، غذائی ماہر، مقرر اور سوشل میڈیا شخصیت ہیں۔ وہ اپنا سوشل میڈیا پروفائل خود بناتی ہیں اور ماڈلنگ اور تقریر کے مواقع کو ٹیم کے حوالے کرنے کے بجائے خود اسکرین کرتی ہیں۔دی ٹیلی گراف کے ساتھ اپنے بیٹے ایلون مسک کے بارے میں بات کرتے ہوئے، مایے نے کہا ایلون مسک۳؍ سال کی عمر میں ہی نہایت ذہین تھا۔ انہوں نے کہا کہ وہ ’’خاموش بچہ تھا... بس ہر وقت پڑھتا رہتا تھا۔‘‘ وہ ساری رات پڑھنے کی وجہ سے دائمی نیند کی کمی کا شکار رہتا تھا۔ وہ کہتی ہیں کہ ایلون تین سال کی عمر میں ان سے ایسی چیزوں کے بارے میں دلیل دیتا تھا جن کے بارے میں اتنے چھوٹے بچے کو کچھ معلوم نہیں ہوتا۔ ایلون۱۰؍ سال کی عمر میں اپنے والد کے ساتھ رہنے چلا گیا تاکہ وہ کمپیوٹر خرید سکے، مزید یہ کہ ان کے پاس انسائیکلوپیڈیا تھی۔