۲۰۰۷ء میں، عمران ہاشمی نے ہدایتکارموہت سوری کی ہدایت میں بننے والی جذباتی اور رومانوی میوزیکل فلم ’’آوارہ پن ‘‘میں اداکاری کی تھی۔ اس فلم کا باکس آفس پر مقابلہ دھرمیندر، سنی دیول اوربابی دیول کی فلم اپنے اورہمیش ریشمیا کی آپ کا سرور سے ہوا تھا۔

۲۰۰۷ء میں، عمران ہاشمی نے ہدایتکارموہت سوری کی ہدایت میں بننے والی جذباتی اور رومانوی میوزیکل فلم  ’’آوارہ پن ‘‘میں اداکاری کی تھی۔ اس فلم کا باکس آفس پر مقابلہ دھرمیندر، سنی دیول اوربابی دیول کی فلم اپنے   اورہمیش ریشمیا کی آپ کا سرور سے ہوا تھا۔ جہاں اپنے اور آپ کا سرور باکس آفس پر کامیاب رہیں، وہیں  آوارہ پن مثبت ریویوز اور مقبول موسیقی کے باوجود فلاپ ہو گئی۔ تاہم  وقت کے ساتھ اس فلم کو کلٹ اسٹیٹس حاصل ہو گیا اور مداح اس کے سیکوئل کا مطالبہ کرنے لگے۔
گزشتہ سال، فلم سازوں نے آخرکار آوارہ پن ۲؍ کا اعلان کیا، جس میں عمران ہاشمی دوبارہ شیوم کے کردار میں نظر آئیں گے، اور اسے ۳؍ اپریل ۲۰۲۶ء کو ریلیز کیا جانا تھا۔لیکن ممکنہ طور پردُھرندھر ۲؍ کے باکس آفس کے دباؤ کی وجہ سے، فلم کی ریلیز مؤخر کر دی گئی، اور اب ایک رپورٹ کے مطابق اسے نئی اور بڑی ریلیز تاریخ مل گئی ہے۔
کیا عمران ہاشمی اس یومِ آزادی پر سنی دیول کا مقابلہ کریں گے؟

یہ بھی ہڑھئے:ممبئی کے خلاف دہلی کا ہدف تاریخ بدلناہوگا

بالی ووڈ ہنگامہ کی رپورٹ کے مطابق، آوارہ پن ۲؍ اب  ۲۰۲۶ء کے یومِ آزادی کے موقع پر سنیما گھروں میں ریلیز ہو سکتی ہے۔ذرائع کے مطابق آوارہ پن ۲؍ ایک مضبوط میوزیکل اور جذباتی محبت کی کہانی کے طور پر سامنے آئی ہے، جس میں عمران ہاشمی اور دشا پاٹنی   شامل ہیں۔ فلم ساز مختلف ریلیز تاریخوں پر غور کر رہے تھے اور آخرکار یومِ آزادی کے ویک اینڈ کا انتخاب کیا گیا ہے۔ فلم کی شوٹنگ جاری ہے اور امکان ہے کہ اپریل کے آخر تک مکمل ہو جائے گی۔

یہ بھی پڑھئے:’’کافی وِد کرن‘‘ کا سیزن ۹؍ سال آخر میں ریلیز ہوگا

اگرآوارہ پن واقعی یومِ آزادی ۲۰۲۶ء کے ویک اینڈ پر ریلیز ہوتی ہے، تو اس کا مقابلہ سنی دیول کی فلم لاہور ۱۹۴۷ء سے ہوگا، جسےعامر خان  پروڈیوس کر رہے ہیں اوراس کے ہدایتکار راجکمار سنتوشی ہیں۔ اس کا مطلب یہ ہوگا کہ ۱۹؍ سال بعد عمران ہاشمی اور سنی دیول کے درمیان ایک بار پھر مقابلہ ہوگا، جیسا کہ۲۰۰۷ء میں آوارہ پن اور اپنے کے درمیان ہوا تھا۔ یہ بھی اطلاعات ہیں کہ سلمان خان کی فلم ماتر بھومی بھی اسی وقت ریلیز ہو سکتی ہے، لیکن چونکہ لاہور ۱۹۴۷ء پہلے ہی اس تاریخ پر آ رہی ہے، اس لیے امکان کم ہے کہ سلمان خان، سنی دیول اور عامر خان کے ساتھ مقابلہ کریں  گے۔آوارہ پن ۲؍ کی ہدایت کاری نتن ککڑ  کر رہے ہیں، جو فلمستان اور جوانی جانِ من کے لیے جانے جاتے ہیں۔