کرن جوہر کے مشہور چیٹ شو ’’کافی وِد کرن‘‘ کے نئے سیزن کی واپسی کی خبریں گردش میں ہیں۔انڈسٹری ذرائع کے مطابق جیو ہاٹ اسٹار اس وقت ابتدائی مرحلے کی بات چیت کر رہا ہے تاکہ اس شو کو نویں سیزن کے لیے واپس لایا جا سکے۔

کرن جوہر کے مشہور چیٹ شو ’’کافی وِد کرن‘‘ کے نئے سیزن کی واپسی کی خبریں گردش میں ہیں۔انڈسٹری ذرائع کے مطابق جیو ہاٹ اسٹار اس وقت ابتدائی مرحلے کی بات چیت کر رہا ہے تاکہ اس شو کو نویں سیزن کے لیے واپس لایا جا سکے۔ اگر سب کچھ منصوبے کے مطابق رہا تو نیا سیزن اس سال کے آخر تک اسکرین پر آ سکتا ہے۔
ذرائع کا کہنا ہے کہ پلیٹ فارم اس شو کے فارمیٹ کو آج کے ڈیجیٹل دور میں بہت قیمتی سمجھتا ہے۔ ذرائع نےمڈ ڈے کو بتایاکافی وِد کرن کلپس اور سوشل میڈیا کے ذریعے بار بار دیکھی جانے والی ویلیو فراہم کرتا ہے۔شو کے وائرل لمحات، مشہور شخصیات کے بے باک انٹرویوز، اور میم بننے والے ریپڈ فائر راؤنڈز ناظرین کو ہر ایپی سوڈ کے بعد بھی مصروف رکھتے ہیں۔تاہم، اگر نیا سیزن منظور ہو جاتا ہے تو ممکن ہے کہ یہ پہلے جیسا نہ ہو۔ رپورٹس کے مطابق، میکرز بدلتی ہوئی ناظرین کی ترجیحات کے مطابق فارمیٹ کو تازہ کرنے پر غور کر رہے ہیں۔

یہ بھی پڑھئے:آبنائے ہرمز کو فوجی کارروائی سے کھولنا غیر حقیقت پسندانہ ہے: ایمانوئل میکرون

ذرائع نے مزید کہاکہ ’’کرن جانتے ہیں کہ ناظرین بدل چکے ہیں، اس لیے وہ سیگمنٹس کو مختصر اور زیادہ موجودہ بنا سکتے ہیں۔ مہمانوں کی فہرست بھی مختلف ہوگی، جس میں مختلف انڈسٹریز کے ستارے، ساؤتھ کے اداکار، او ٹی ٹی اسٹارز اور ڈجیٹل کریٹرز شامل ہو سکتے ہیں۔ تاہم ابھی سب کچھ ابتدائی مرحلے میں ہے اور کوئی حتمی معاہدہ نہیں ہوا۔‘‘

یہ بھی پڑھئے:`پنچایت کے ۶؍ سال مکمل، پرائم ویڈیو نے سیزن ۵؍ کا باضابطہ طور پر اعلان کیا

اگر یہ منصوبہ حقیقت بن جاتا ہے تو مداح ایک جدید، تیز رفتار ورژن دیکھنے کی توقع کر سکتے ہیں، جس میں مختلف شعبوں سے تعلق رکھنے والے مہمان شامل ہوں گے، جبکہ شو کی پہچان یعنی بے تکلف گفتگو، گپ شپ اور دلچسپ مزاح برقرار رہے گا۔دوسری جانب کرن جوہر   بطور پروڈیوسر کئی فلموں پر بھی کام کر رہے ہیں، جن میں کارتک آرین کی فلم ناگزیلا شامل ہے، جو ان کی پہلی کریچر کامیڈی ہوگی اور ایک نئے سنیماٹک یونیورس کا آغاز کرے گی۔کرن جوہر ایک رومانوی فلم چاندمیرا دل  پر بھی کام کر رہے ہیں، جس میں لکشیا اور آننیا پانڈے  مرکزی کردار ادا کریں گے، اور اس کے بھی اسی سال ریلیز ہونے کی توقع ہے۔