یورپی یونین کی خارجہ پالیسی کے چیف جوزف بورل نے کہا کہ غزہ میں اسرائیلی فوجیوں کی مہم نے محصور خطے کو کھلے ہوئے قبرستان میں تبدیل کر دیا ہے۔ غزہ، جنگ سے قبل جیل تھا اور اب وہ کھلے ہوئے قبرستان میں تبدیل ہو گیا ہے۔ انہوں نے الزام دہرایا کہ اسرائیل غزہ میں امدادی ٹرکوں کے داخلے پر پابندی عائد کرکے ’’قحط‘‘ کو جنگ میں ہتھیار کے طور پر استعمال کر رہا ہے۔

یورپی یونین کی خارجہ پالیسی کے چیف جوزف بورل نے کہا کہ غزہ میں اسرائیلی فوجیوں کی مہم نے محصور خطے کو دنیا کے سب سے بڑے ’’کھلے ہوئے قبرستان ‘‘میں تبدیل کیا ہے۔ انہوںنے یورپی یونین کی میٹنگ کے دوران کہا کہ جنگ سے قبل غزہ سب سے بڑی کھلی ہوئی جیل تھی جبکہ اب وہ دنیا کے سب سے بڑے کھلے ہوئے قبرستان میں تبدیل ہو گیا ہے۔

غزہ کے الشفاءاسپتال پر پھر اسرائیل کے حملے شروع
یہ نہ صرف یہ کہ سیکڑوں ہزاروں فلسطینیوں بلکہ انسانی قوانین کے اہم اصولوں کا بھی قبرستان بن گیا ہے۔ انہوں نے اپنے الزام کو دہرایا کہ اسرائیل غزہ امدادی ٹرکوں کے داخلے پر پابندی عائد کر کے ’’قحط ‘‘ کو جنگ میں ہتھیار کے طورپر استعمال کر رہا ہے۔
انہوں نے یونین کی انسانی کانفرنس سے کہا کہ اسرائیل قحط کو بڑھاوا دے رہاہے جس کے جواب میں اسرائیل کے وزیر خارجہ اسرائیل کیٹز نے ان پر تنقید کرتے ہوئے کہا کہ وہ اسرائیل پر حملہ کرنا بند کریں اور حماس کے جرائم کے خلاف اس کے ذاتی دفاع کے حق کو تسلیم کریں۔

Gaza is facing famine. According to @theIPCinfo, 100% of people are acutely food insecure; in the North, 70% are facing famine. Hunger can’t be used as a weapon of war.

W/ @JanezLenarcic, we urge Israel to allow free, unimpeded, safe humanitarian access.https://t.co/1DAMzG5G3t

— Josep Borrell Fontelles (@JosepBorrellF) March 18, 2024

خیال رہے کہ اب تک غزہ میں اسرائیلی جارحیت کے سبب ۳۱؍ ہزار سے زائد افراد کی  موت جبکہ ۷۰؍ ہزار سے زائد افراد زخمی ہو چکے ہیں۔ اسرائیلی بمباریوں کے سبب غزہ کا ۶۰؍ فیصد ڈھانچہ ملبے میں تبدیل ہو گیا ہے۔
یورپی یونین کے ۲۷؍ممالک نے مشترکہ طورپریہ بیان نہیں دیا ہے۔تاہم، ان ممالک میں متعدد ایسے ہیں جو اسرائیلی حامی ہیں لیکن فلسطینی حامی ممالک کی تعداد زیادہ ہے۔

- Political agreement on sanctions against extremist settlers
- Renewed call to Hamas to free the hostages
- Strong appeal to Israel to guarantee free, unimpeded and safe humanitarian access to Gaza.
2/2

— Josep Borrell Fontelles (@JosepBorrellF) March 18, 2024

یورپی یونین کے وزراء اسرائیل کے ساتھ تعاون کے معاہدے کو معطل کرنے کیلئے آئرلینڈ اور اسپین کی تجویز پر تبادلہ خیال کرنے والے تھے لیکن اس اقدام کو تمام۲۷؍ممالک کی حمایت حاصل ہونے کا امکان نہیںتھا۔یورپی یونین کے بلاک کا کہناہے کہ وہ ۷؍ اکتوبر کو حماس کے اسرائیل کے خلاف حملے اورمغربی کنارہ پر اسرائیلیوں کی جانب سے فلسطینیوں پر حملے کی مذمت کرے گا۔