یورپ کے کسانوں کا یورپی یونین (ای یو) کی نئی زرعی پالیسیوں اور یوکرین کی زرعی درآمدات کے خلاف زبردست احتجاج۔ پورے یورپ کے کسان ’’گرین ڈیل‘‘ (سبز معاہدہ) کے خلاف ہیں جس کے سبب ان کی لاگت میں اضافہ متوقع ہے۔ پولینڈ کے صد ر کا کسانوں کے مطالبہ کا حل نکالنے کا وعدہ۔ پورے یورپ میں کسانوں کا احتجاج جاری۔

 ہزاروں کسانوں نے منگل کو وارسا (پولینڈ) کے مرکز میں یورپی یونین کی زرعی پالیسیوں اور یوکرین سے سستی خوراک کی درآمد کے خلاف احتجاج کیا۔ مظاہرین مطالبہ کر رہے تھے کہ پولینڈ کی حکومت یورپی یونین کے گرین ڈیل سے دستبردار ہو جائے جس کا مقصد ماحولیات کی حفاظت اور موسمیاتی تبدیلیوں سے لڑنے کیلئے ایسے اقدامات ہیں جن میں کیڑے مار ادویات کے استعمال میں کمی شامل ہے۔ پورے براعظم کے کسانوں کا کہنا ہے کہ ان کیلئے ان منصوبوں کو عمل میں لانا کافی مہنگا ہے۔ 

Given how widespread the farmers protests are all across Europe, the EU is either going to have to relent—which it won’t—or enact even more severe measures against them, and deal with them like the Soviets did with the kulaks.

Farmers represent the final bastion of liberty in… pic.twitter.com/DqY0lOnbYN

— Ian Miles Cheong (@stillgray) February 26, 2024

احتجاج کرنے والے پولش کاشتکار یہ بھی چاہتے ہیں کہ یوکرین کے ساتھ پولینڈ کی سرحد کو اناج اور دیگر غذائی مصنوعات کی درآمد کیلئے بندکر دیا جائے جو ان کے بقول مقامی بازارمیں کسانوں کو ملنے والی قیمتوں میں کمی کا باعث بن رہی ہے۔ 

Farmers’ protests in Europe against govt CLIMATE TERRORISM are getting MASSIVE!

This is Madrid, Spain🇪🇸🚜 pic.twitter.com/shGKIvFf3c

— Dr. Anastasia Maria Loupis (@DrLoupis) February 22, 2024

مظاہرین شہر کے تاریخی ثقافتی محل کے قریب ایک بڑے چوراہے پر جمع ہوئے اور ایک ساتھ پارلیمنٹ کی عمارت کی طرف کوچ کرنےلگے۔ انہوں نے اس مارچ کو وزیر اعظم ڈونالڈ ٹسک کے دفتر کے سامنے ختم کرنے کا منصوبہ بنایا، جو منگل کو اپنے چیک ہم منصب وزیر اعظم پیٹر فیالا سے ملاقات کیلئے پراگ میں تھے۔ پراگ میں ٹسک نے کہا کہ وہ کسانوں کے مطالبات کے حل کیلئے برسلز کے ساتھ مل کر کام کریں گے۔ ٹسک جنہوں نے کسانوں کے غصے کو جائز قرار دیا ہے، کہا کہ پولینڈ اور چیک جمہوریہ، یوکرین کی مدد کرنے کا ارادہ رکھتے ہیں جبکہ یوکرین کی پیداوار کے ان پر پڑنے والے منفی اثرات کے نتیجے میں اپنے کسانوں کی بھی مدد کر رہے ہیں۔ گزشتہ مظاہروں کے برعکس، کسانوں نے، جنہوں نے پولش جھنڈے اٹھا رکھے تھے، پیدل مارچ کیا۔ حالانکہ اس بار وہ اپنا بھاری سامان شہر میں نہیں لائے۔ 

Watch: Angry farmers block streets, dump manure and clash with police in Brussels
Farmers from all over Europe marched into Brussels on Monday morning to protest against a varied range of issues, including low prices for their products, environmental regulation and free-trade… pic.twitter.com/QAVmFg0eUN

— Camus (@newstart_2024) February 26, 2024

پولش کاشتکار پورے یورپ کے ان کسانوں میں شامل ہیں جو یوکرین کے ساتھ یورپی یونین کی ماحولیاتی پالیسیوں کی مخالفت کر رہے ہیں، جو ان کے بقول ان کی پیداواری لاگت میں اضافہ کرے گی۔ اٹلی سے اسپین اور بلجیم تک نیز دیگر جگہوں پر ہونے والے ان مظاہروں نے ۲۷؍ممالک پر مشتمل یورپی یونین میں جون میں ۶؍ سے۹؍ کے درمیان ہونے والے پارلیمانی انتخابات سے قبل کسانوں کی حالت زار کو ایک اہم سیاسی موضوع بنا دیا ہے۔