ماہرین کے مطابقموسمی آفات عالمی نقلِ مکانی کی سب سے بڑی وجہ بن رہی ہیں،ساتھ ہی ماہرین نے موسمی مہاجرین کی حیثیت کو اقوامِ متحدہ سے تسلیم کرانے کا مطالبہ کیاہے۔

بوجاز یونیورسٹی کے مرکز برائے موسمیاتی تبدیلی اور پالیسی ریسرچ کے بورڈ ممبر پروفیسر ڈاکٹر مرات ترکش نے انادولو ایجنسی کو بتایا کہ آنے والے سالوں میں موسمیاتی تبدیلی کے سبب ہونے والی  نقلِ مکانی عالمی ایجنڈے کے اہم ترین موضوعات میں سے ایک بن جائے گی۔انہوں نے کہا’’۲۰۰۸ء سے۲۰۲۳ء تک کے اعداد و شمار کے مطابق، دنیا بھر میں نقلِ مکانی پر مجبور ہونے والے افراد میں سے تقریباً۷۳؍ اعشاریہ ۵؍ فیصد موسم اور آب و ہوا سے متعلق آفات کی وجہ سے بے گھر ہوئے۔ اس کے مقابلے میں، تنازعات، بدامنی اور تشدد کا حصہ۱۷؍ اعشاریہ ۵؍ فیصد رہا، جبکہ زلزلوں سے لے کر لینڈ سلائیڈنگ تک  طبیعاتی آفات کا حصہ صرف۹؍ فیصد تھا۔‘‘ترکش نے بتایا کہ انہوں نے دو نوجوان محققین کے ساتھ مل کر ایک سائنسی مضمون تحریر کیا ہے تاکہ اس موضوع کو جامع تناظر میں پیش کیا جا سکے۔انہوں نے کہا کہ کم آمدنی والے ممالک سے ترقی یافتہ ممالک کی طرف نقلِ مکانی متعدد دباؤوں کے تحت ہوتی ہے، جن میں موسمیاتی نقلِ مکانی بھی شامل ہے۔ساتھ ہی ترکش نے جنوب مشرقی ایشیا، صحارا افریقہ اور وسطی امریکہ کو سب سے زیادہ خطرے والے خطوں میں شمار کیا۔

یہ بھی پڑھئے: لکھنؤ آتشزدگی معاملے میں ۴؍ گرفتار،۴؍ افسران معطل، جانچ کیلئے ایس آئی ٹی تشکیل

بعد ازاں ترکش نے کہا کہ۲۰۲۴ء میں دنیا بھر میں۴؍ کروڑ ۵۸؍ لاکھ افراد اپنے ہی ممالک کے اندر بے گھر ہوئے، اور ان میں سے۹۹؍ فیصد کا تعلق موسمیاتی آفات سے تھا۔ان میں بھی سیلاب سب سے بڑی وجہ تھی جس کا حصہ۵۴؍ اعشاریہ ۵؍ فیصد رہا، اس کے بعد طوفان۴۲؍ فیصد کے ساتھ، جبکہ جنگلاتی آگ اور خشک سالی کے اثرات میں بھی اضافہ ہو رہا ہے۔انہوں نے تبصرہ کیا کہ موسمیاتی تبدیلی سے منسلک انتہائی موسمی واقعات مستقبل میں نقلِ مکانی کو مزید تیز ہونے کی توقع ہے۔‘‘
انہوں نے مزید کہا کہ ،’’نقلِ مکانی کے موجودہ راستوں کے نقشے، امریکہ اور میکسیکو کی سرحد کے پار امریکہ میں نمایاں نقلِ مکانی ،اس کے علاوہ افریقہ، مشرق وسطیٰ اور وسیع تر جنوب مغربی ایشیا سے ترکی کے راستے امیر یورپی ممالک کی طرف نقلِ مکانی کے بہاؤ کو ظاہر کرتے ہیں۔جب ہم عالمی نقلِ مکانی کے اعداد و شمار کا تقابلی جائزہ لیتے ہیں تو دیکھتے ہیں کہ ہونڈوراس، صومالیہ اور فلپائن جیسے ممالک میں اپنی آبادی کے تناسب سے موسمیاتی نقلِ مکانی اور بے گھری کی شرح غیر معمولی طور پر زیادہ ہے۔‘‘ترکش نے زور دیا کہ موسمیاتی بحران میں سب سے زیادہ کمزور لوگ وہ نہیں ہیں جو نقلِ مکانی کر سکتے ہیں، بلکہ وہ ہیں جو مالی، سماجی اور سیاسی سرمائے کی کمی کی وجہ سے تباہی زدہ علاقوں میں پیچھے رہ جاتے ہیں۔موسمیاتی تبدیلی ترکی کے وسطی اناطولیہ میں اندرونی نقلِ مکانی کا سبب بن سکتی ہے۔ ترکش نے کہا کہ۲۰۵۰ء کے بعد، ترکی کے بیشتر حصوں میں، بحیرہ اسود کے علاقے اور شمال مشرقی اناطولیہ کے علاوہ، موسمیاتی تبدیلی کے نتیجے میں گرم اور خشک حالات متوقع ہیں، جس سے زرعی پیداوار پر شدید دباؤ پڑ سکتا ہے۔ اس کے علاوہ دیہی آبادی میں کمی اور قابل کاشت زمین میں کمی کی طرف اشارہ کرتے ہوئے ترکش نے کہا،’’ہمیں وسطی اناطولیہ سے ترکی کے ساحلی اور بحیرہ اسود کے علاقوں کی طرف اندرونی نقلِ مکانی کے امکان کا اندازہ لگانا چاہیے۔‘‘

یہ بھی پڑھئے: فرانس: ۱۹۴۷ء کے بعد گرمی کی بدترین لہر، ایفل ٹاور، لوور کے اوقات محدود

ترکش نے خبردار کیا کہ جب تک گرین ہاؤس گیسوں کے اخراج کو کم کرنے کے لیے فوری اور موثر اقدامات نہیں کیے جاتے، موسمیاتی بے گھر اور نقلِ مکانی میں شدت آئے گی،ساتھ ہی انہوں نے مطالبہ کیا کہ موسمی مہاجر کی قانونی تعریف قائم اور تسلیم کی جانی چاہیے۔انہوں نے مزید کہا، ’’توقع ہے کہ ۲۰۵۰ءتک۲۰؍ کروڑ ۱۶؍ لاکھ افراد موسمیاتی تبدیلی کے اثرات کی وجہ سے اپنے ہی ممالک کے اندر منتقل ہونے پر مجبور ہو سکتے ہیں۔ بدترین صورتوں میں، یہ تعداد۲۱۰۰ء تک ۱۰۰؍ کروڑ تک پہنچ سکتی ہے۔
تاہم انہوں نے اقوامِ متحدہ کے اداروں، یورپی یونین اور دیگر علاقائی تنظیموں سے مطالبہ کیا کہ وہ موجودہ اور مستقبل کی موسمیاتی نقلِ مکانی سے نمٹنے کے لیے قانونی فریم ورک اور کثیرالجہتی معاہدے فوری طور پر تیار کریں، اور اس بات پر زور دیا کہ موسمی مہاجر کی عالمی سطح پر قبول شدہ، اقوامِ متحدہ کی سطح کی تعریف قائم کی جانی چاہیے۔