مہاراشٹر کے وزیر اعلی دیویندر فرنویس نے نائب وزیر اعلیٰ ایکناتھ شندے کی قیادت میں شیوسینا کے اسکولی تعلیم کے وزیر دادا بھسے سے لے کر پرائیویٹ اسکولوں کو منظوری دینے سے متعلق کئی اہم اختیارات اعلیٰ سرکاری افسران کو سونپے ہیں۔

مہاراشٹر کے وزیر اعلی دیویندر فرنویس نے نائب وزیر اعلیٰ ایکناتھ شندے کی قیادت میں شیوسینا کے اسکولی تعلیم کے وزیر دادا بھسے سے لے کر پرائیویٹ اسکولوں کو منظوری دینے سے متعلق کئی اہم اختیارات اعلیٰ سرکاری افسران کو سونپے ہیں۔ ایک سرکاری سرکلر کے مطابق  ریاستی حکومت نے نجی خود مالی اعانت سے چلنے والے تعلیمی اداروں کو منظوری دینے کے لئے  انتظامی نظام کی تشکیل نو کی ہے، اس سے قبل وزارتی سطح پر کئی ذمہ داریاں اب سینئر بیوروکریٹس کو سونپی گئی ہیں۔ 

نظرثانی شدہ نظام کے تحت سکول ایجوکیشن ڈپارٹمنٹ کے پرنسپل سیکریٹری لیٹر آف انٹنٹ جاری کرنے اور موجودہ سکولوں کو اپ گریڈ کرنے کی منظوری دینے کا اختیار استعمال کریں گے۔ وہ ممبئی، تھانے، پونے، نوی ممبئی، پمپری چنچوڑ، ناسک، اورنگ آباد(چھترپتی سمبھاجی نگر) اور ناگپور جیسے بڑے شہروں میں واقع اسکولوں سے متعلق کچھ خصوصی اجازتوں کی بھی نگرانی کریں گے۔  نظرثانی شدہ ڈھانچہ خود مالی اعانت سے چلنے والے اسکولوں کو اضافی ڈویژن اور نئی شاخیں کھولنے کی بھی اجازت دیتا ہے۔ مزید برآں، قومی اور بین الاقوامی تعلیمی بورڈز جیسے کہ سی بی ایس ای،سی آئی ایس سی ای،آئی بی، اور آئی جی سی ایس ای کے ساتھ الحاق کے خواہاں اسکولوں کیلئے عدم اعتراض سرٹیفکیٹ جاری کرنے اور ان کی تجدید کا اختیار بڑے شہری علاقوں سے باہر کے علاقوں کے لیے ایجوکیشن کمشنر کو سونپا گیا ہے۔ 

حکومت کا کہنا ہے کہ تنظیم نو کا مقصد فیصلہ سازی کے عمل کو ہموار کرنا، ای گورننس کو مضبوط بنانا اور انتظامی تاخیر کو کم کرکے اسکول کی درخواستوں کی تیز تر کارروائی کو یقینی بنانا ہے۔ اس فیصلے کے وقت اور نوعیت نے سیاسی اوور ٹون لیا ہے، ماہرین کا خیال ہے کہ اقتدار کی یہ منتقلی حکمران اتحاد کے اندر ممکنہ اختلافات کی ایک اور علامت ہوسکتی ہے۔  یہ نئی پیشرفت  شندے کی شیوسینا کے ٹرانسپورٹ منسٹر پرتاپ سرنائک سے متعلق ایک سابق تنازع کے بعد ہوئی ہے۔ آٹو رکشا اور ٹیکسی ڈرائیوروں کیلئے  مراٹھی زبان کی ضرورت سے متعلق ان کے فیصلے کو بعد میں وزیر اعلیٰ نے پلٹ دیا۔ بتایا جاتا ہے کہ وزیر اعلیٰ کی اس مداخلت سے شندے کے کیمپ میں ناراضگی پیدا ہوگئی تھی۔