ہندوستانی شیئر بازار کے لیے اگلا ہفتہ کافی اہم ہونے والا ہے۔ امریکی فیڈ کی میٹنگ، چوتھی سہ ماہی کے نتائج، ایران-امریکہ کے درمیان امن مذاکرات کی سمت، خام تیل کی قیمت اور ملکی معاشی اعداد و شمار شیئر بازار کی سمت طے کریں گے۔

ہندوستانی شیئر بازار کے لیے اگلا ہفتہ کافی اہم ہونے والا ہے۔ امریکی فیڈ کی میٹنگ، چوتھی سہ ماہی کے نتائج، ایران-امریکہ کے درمیان امن مذاکرات کی سمت، خام تیل کی قیمت اور ملکی معاشی اعداد و شمار شیئر بازار کی سمت طے کریں گے۔
امریکی فیڈ کی شرح سود پر میٹنگ ۲۸؍ اور ۲۹؍ اپریل کے درمیان طے ہے۔ یہ اجلاس ایسے وقت میں ہو رہا ہے جب ایران-امریکہ تنازع کے باعث خام تیل ۱۰۰؍ ڈالر فی بیرل سے اوپر برقرار ہے۔ اس کے علاوہ ایران-امریکہ کے درمیان امن مذاکرات سے متعلق نئی پیش رفت بھی بازار پر اثر ڈالے گی۔ فی الحال دونوں ممالک کے درمیان امن مذاکرات کو مؤخر کر دیا گیا ہے۔ اگلے ہفتے خام تیل کی قیمت کی رفتار پر بھی سرمایہ کاروں کی نظر رہے گی، کیونکہ عالمی غیر یقینی صورتحال کے باعث یہ بلند سطح پر برقرار ہے۔

یہ بھی پڑھئے:کیا جنت زبیر نے پلاسٹک سرجری کروائی ہے؟جنت نےافواہوں کا براہ راست جواب دیا

نتائج کے سیزن کی وجہ سے ملکی بازاروں میں آنے والے ہفتے میں اتار چڑھاؤ رہنے کی توقع ہے۔ اس دوران اے یو اسمال فنانس بینک، بجاج ہاؤسنگ فنانس، کول انڈیا، پنجاب اینڈ سندھ بینک، ایس بی آئی کارڈز، اے ڈبلیو ایل ایگری بزنس، اٹرنل، ماروتی سوزوکی، اڈانی پاور، اے سی سی، اڈانی انٹرپرائزز اور گودریج ایگروویٹ جیسی کمپنیاں مالی سال ۲۶ء کی چوتھی سہ ماہی کے نتائج جاری کریں گی۔اس کے علاوہ حکومت کی جانب سے صنعتی اور مینوفیکچرنگ پیداوار کے اعداد و شمار ۲۸؍ اپریل کو جاری کیے جائیں گے، جن پر سرمایہ کاروں کی نظر ہوگی۔گزشتہ ہفتہ ہندوستانی شیئر بازار کے لیے اتار چڑھاؤ سے بھرپور رہا۔ اس دوران سینسیکس۳۳ء۸۲۹۱؍ پوائنٹس یا ۳۳ء۲؍فیصد کی کمی کے ساتھ۲۱ء۷۶۶۶۴؍ اور نفٹی۶۰ء۴۵۵؍ پوائنٹس یا۸۷ء۱؍فیصد کی کمی کے ساتھ ۹۵ء۲۳۸۹۷؍  پر رہا۔

یہ بھی پڑھئے:دہلی کے رنوں کے پہاڑ کو پنجاب نے سر کر لیا

بازار میں گراوٹ کی قیادت آئی ٹی شیئرز نے کی۔ نفٹی آئی ٹی میں۳۱ء۱۰؍ فیصد کی بڑی گراوٹ دیکھی گئی۔ نفٹی آٹو ۹۶ء۲؍فیصد، نفٹی سروسیز۵۴ء۲؍ فیصد، نفٹی کنزیومر ڈیوئریبلز۴۹ء۲؍ فیصد، نفٹی پرائیویٹ بینک ۳۷ء۱؍ فیصد، نفٹی رئیلٹی ۱۳ء۱؍ فیصد اور نفٹی میٹل  ۰۴ء۱؍ فیصد کی کمی کے ساتھ سرخ نشان میں رہا۔ وہیں نفٹی انرجی ۶۳ء۲؍ فیصد، نفٹی ایف ایم سی جی ۲۳ء۲؍ فیصد، نفٹی میڈیا ۵۶ء۱؍ فیصد اور نفٹی ہیلتھ کیئر۵۳ء۰؍ فیصد کی مضبوطی کے ساتھ بند ہوا۔