راجستھان کے بھیلواڑہ میں وزیر اعظم نریندر مودی کا ماسک پہن کر ایک چور نے موبائل فون کی دکان میں چوری کی کوشش کی، اس کی یہ حرکت سی سی ٹی وی کیمرے میں قید ہوگئی،پولیس افسر کے مطابق اس چور کی شناخت کرلی گئی ہے۔

ایک عجیب واقعے میں، سی سی ٹی وی فوٹیج سوشل میڈیا پر وائرل ہو گئی جب ایک چور نے ہندوستانی وزیراعظم نریندر مودی کا ماسک پہن کر اپنی شناخت چھپانے کی کوشش کی۔ اطلاعات کے مطابق، یہ واقعہ اتوار کی دیر شب۲۸؍ جون کو راجستھان کے ضلع بھیلواڑہ میں پیش آیا۔ مشتبہ شخص کو قریبی سکیورٹی کیمرے میں ایک مقامی موبائل فون کی دکان کو نشانہ بناتے ہوئے دیکھا گیا۔سیکیورٹی فوٹیج میں فرد کو وہ ماسک پہنے دکھایا گیا ہے جو عام طور پر سیاسی انتخابی ریلیوں میں تقسیم کیا جاتا ہے۔ بعد ازاں  وزیراعظم کی شکل والا نقاب پہن کر، مشتبہ شخص بار بار ایک لوہے کی سلاخ کا استعمال کرتے ہوئے دکان کے شٹر کے تالے کو کھولنے کی کوشش کر رہا تھا۔

In Rajasthan, wearing Modi Ji’s mask, they stole 40 mobile phones and fled. 😭😭😭😭 pic.twitter.com/eDD2TGVVJQ

— Virat Sharma (@Virat_indian875) June 30, 2026

 نیوز ایجنسی پی ٹی آئی سے بات کرتے ہوئے، کاریدہ تھانے کے ایس ایچ او پورن مل مینا نے اس غیر معمولی بھیس کی تصدیق کی۔ انہوں نے کہا کہ ’’چوری کی کوشش کرتا نظر آنے والا شخص وزیراعظم نریندر مودی کے چہرے والا ماسک پہنے ہوا تھا۔‘‘تاہم، افسر نے مزید بتایا کہ ماسک بالآخر مشتبہ شخص کی شناخت چھپانے میں ناکام رہا، کیونکہ آس پاس کے محلے کی نگرانی کرنے والے دیگر کیمروں نے دن کے اوائل میں اس فرد کا بغیر نقاب والا چہرہ قید کر لیا تھا۔ علاوہ ازیں تفتیش کاروں کے مطابق  مشتبہ شخص نے مبینہ طور پر دن کے وقت علاقے کی جاسوسی کی تھی، جس میں وہی کپڑے پہنے تھے مگر ماسک کے بغیر۔ اگرچہ اس مخصوص ڈکیتی کی کوشش ناکام رہی اور تالا توڑنے میں ناکامی کے بعد مشتبہ شخص خالی ہاتھ فرار ہو گیا، تاہم اسی رات محض۸۰۰؍ میٹر کے فاصلے پر واقع ایک اور موبائل شاپ سے سے چوری ہو گئی۔ جہاں  سے تقریباً۴؍ سے۵؍ لاکھ روپے مالیت کے۳۵؍ سے زائد اسمارٹ فون چرا لیے گئے۔

یہ بھی پڑھئے: نصرہ پور معاملہ: مجرم کامبلے کو پھانسی کی سزا

دریں اثناء کاریدہ پولیس اس وقت وائرل فوٹیج اور ملحقہ املاک کے ڈیٹا کا تجزیہ کر رہی ہے تاکہ یہ معلوم کیا جا سکے کہ نقاب پہنے مشتبہ شخص کا اس چوری سے کوئی تعلق ہے یا نہیں۔ جبکہ دکانداروں کی شکایات کی بنیاد پر باقاعدہ مقدمہ درج کر لیا گیا ہے، اور مقامی پولیس کی ٹیموں نے مشتبہ فرد کی تلاش کے لیے چھاپے مارنا شروع کر دیے ہیں۔