اسرائیلی فوج نے پیر کو غزہ  کے شہر خان یونس میں امداد کے منتظر فلسطینیوں پر فائرنگ  کی جس سے کئی فلسطینی شہید اور زخمی ہو گئے۔

اسرائیلی فوج نے پیر کو غزہ  کے شہر خان یونس میں امداد کے منتظر فلسطینیوں پر فائرنگ  کی جس سے کئی فلسطینی شہید اور زخمی ہو گئے۔ یہ بات فلسطینی سرکاری خبر رساں ایجنسی ’وفا‘ نے بتائی۔خان یونس کے ناصر میڈیکل کمپلیکس کے طبی ذرائع کے مطابق اسرائیلی فوج کی فائرنگ میں کم از کم ۱۳؍ شہری شہید ہوگئے جبکہ درجنوں زخمی ہوئے جن میں بعض کی حالت تشویشناک ہے۔اس سے قبل پیر کی صبح اسرائیلی جنگی طیاروں نے غزہ شہر کے جنوبی علاقے الزيتون میں امداد تقسیم کرنے کے ایک گودام کو نشانہ بنایا جس کے نتیجے میں۱۰؍ شہری شہید ہوئے۔ یہ اطلاع بھی  ’وفا‘ خبر رساں ایجنسی نے دی۔ الجزیرہ کی خبر کے مطابق صبح سے اسرائیلی حملے میں کم از کم ۸۰؍ افراد جاں بحق ہوگئے۔
 دریں اثناء اسرائیل نے غزہ اور جبالیہ کے فلسطینیوں کو جنوب کی طرف المواسی کے ساحلی علاقے کی جانب منتقل ہونے کا حکم دے دیا ہے۔