غزہ میں جاری جنگ بندی معاہدے کے تحت قیدیوں کے تبادلے کا عمل جاری ہے۔ حماس نے تازہ کارروائی میں ۱۳؍ مزید اسرائیلی قیدیوں کو بین الاقوامی ریڈ کراس کے حوالے کر دیا۔ اس سے قبل حماس ۷؍ اسرائیلی قیدیوں کو رہا کر چکا ہے۔

اسرائیلی میڈیا کے مطابق فلسطینی مزاحمتی تنظیم حماس نے غزہ میں ۱۳؍ مزید اسرائیلی قیدیوں کو بین الاقوامی ریڈ کراس کمیٹی (ICRC) کے حوالے کر دیا ہے۔ پیر کو آئی سی آر سی نے حماس کے عسکری ونگ القسام بریگیڈز سے یہ۱۳؍ اسرائیلی قیدی وصول کئے، جو اَب اسرائیل کیلئے روانہ ہو چکے ہیں۔ ۱۳؍ قیدیوں کی حوالگی کے ساتھ، جنگ بندی کے معاہدے کے تحت تمام۲۰؍ زندہ اسرائیلی قیدیوں کی رہائی مکمل ہو گئی، اس سے قبل پیر ہی کو ابتدائی طور پر سات افراد کو رہا کیا گیا تھا۔ غزہ کی جنگ بندی کے معاہدے کے تحت، رہائی پانے والے اسرائیلی یرغمالوں کے بدلے میں ۱۹۶۸؍فلسطینی قیدیوں کو، جن میں ۲۵۰؍ عمر قید کی سزا یافتہ بھی شامل ہیں، رہا کیا جائے گا۔ 

Newly released images capture the moment Israeli hostage Alon Ohel was reunited with IDF troops inside the Gaza Strip, shortly after being freed from Hamas captivity. The photos show Ohel speaking with soldiers who escorted him to safety ahead of his return to Israel. pic.twitter.com/buzYs9PgvA

— Aditya Raj Kaul (@AdityaRajKaul) October 13, 2025