فلسطینی بچوں نے غزہ کے شہر البلاح میں جمع ہو کر فلسطینیوں کے ساتھ اظہار یکجہتی کیلئے امریکی یونیورسٹیوں کے طلبہ کا شکریہ ادا کیا۔ بچوں نے عرب اور یورپی یونیورسٹیوں کے طلبہ سے گزارش کی کہ وہ غزہ جنگ کے خاتمے کیلئے امریکی یونیورسٹیوں کی تقلید کریں۔

فلسطینی بچوں نے مرکزی غزہ میں جمع ہو کر فلسطینیوں کے ساتھ اظہار یک جہتی کیلئے امریکی یونیورسٹیوں کے طلبہ کا شکریہ ادا کیا۔غزہ کے شہر دیر البلاح میں فلسطینی بچوں کے ہاتھ میں بینر تھے جن پرمختلف رسم الخط قلمبند تھے جیسے کہ ’’امریکی یونیورسیٹوں کے بہادر طلبہ کا شکریہ۔‘‘،’’غزہ کے ساتھ کھڑے رہنے کیلئے ہم آپ کے مشکور ہیں۔ وغیرہ۔‘‘

"We hear you" Children`s of #Gaza send a message of thanks to the student demonstrators at American universities #ColumbiaUniversity #university_students https://t.co/iKFwTV8zCe

— 🇵🇸❤️ (@lola_united) April 27, 2024

 ایک بے گھر بچی اوانی خطاب نے ترکی کی خبر رساں ایجنسی انادولو کو بتایا کہ ’’ہم فلسطینیوں کے ساتھ اظہار یک جہتی کیلئے امریکی یونیورسٹیوں کے طلبہ کا شکریہ ادا کر رہے ہیں۔عرب اور یورپی یونیورسٹیوں کے طلبہ کو چاہئے کہ وہ غزہ میں جنگ کو مکمل طور پر ختم کرنے کیلئے ان طلبہ کی تقلید کریں۔‘‘

Children in Gaza thank US university students for their solidarity with ... https://t.co/tgcGcG4Kjq via @YouTube

— America is Focked! (@CaliBerner) April 30, 2024

 ایک فلسطینی خاتون نے نام مخفی رکھنے کی شرط پر عرب یونیورسٹیوں کے طلبہ سے گزارش کی کہ ’’وہ غزہ میں اسرائیلی جارحیت کے خلاف فلسطینیوں کے ساتھ کھڑے رہیں۔‘‘

یہ بھی پڑھئے: ’’مجھے ڈر ہےکہ یتیم فلسطینی بچے کل ہم سے انتقام لینے نہ اُٹھ کھڑے ہوں ‘‘

انہوں نے کہا کہ ’’امریکی یونیورسٹیوں کے طلبہ ہم سے اور ہماری پریشانیوں سے ہمدردی رکھتے ہیں۔ ہم ان کی ہمت کو سلام کرتے ہیں۔‘‘

Students and children in Gaza thank pro-Palestinian protesters at US college campuseshttps://t.co/XDPCfETTeF

— Shivam Vij (@DilliDurAst) April 29, 2024

خیال رہے کہ امریکی یونیورسٹیوں کے طلبہ نصف اپریل سے غزہ میں اسرائیلی جارحیت کے خلاف آواز بلند کرر ہے ہیں جس کی وجہ سے پولیس نے اب تک ایک ہزار سے زائد طلبہ کو حراست میں لیا ہے۔

یہ بھی پڑھئے: غزہ جنگ: پولیس نے ۳۰؍ یونیورسٹیوں اور کالج کے ایک ہزار ۶۰۰؍ سے زائد طلبہ کو حراست میں لیا

طلبہ کا یونیورسٹیوں اور کالج سے مطالبہ ہے کہ وہ ایسی کمپنیوں کے ساتھ علاحدگی اختیار کریں جو اسرائیل کے ساتھ بزنس کر رہی ہیں۔ 

فلسطینی بچہ بینر کے ساتھ۔ تصویر: ایکس
یاد رہے کہ اب تک اسرائیلی جارحیت کے نتیجے میں ۳۴؍ ہزار فلسطینی جاں بحق جبکہ ۷۷؍ ہزار سے زائد زخمی ہو چکے ہیں۔ اب تک غزہ کی ۸۵؍ فیصد آبادی بے گھرہو چکی ہے جبکہ آدھی آبادی غذا، صاف پانی اور دیگر بنیادی چیزوں کی قلت کا سامنا کر رہی ہے۔ اسرائیل نے سرحدیں بلاک کر دی ہیں جس سے غزہ میں انسانی بحران میں اضافہ ہو رہا ہے۔ 

امریکی طلبہ فلسطینی پرچم کے ساتھ۔ تصویر: ایکس